कतारमा सुनिए उपेन्द्र

 
महाकवि लक्ष्मीप्रसाद देवकोटाको जन्मजयन्ती अवसरमा आयोजित कार्यक्रममा सुब्बाले ‘सायद,’ ‘जँडयाहाको तर्क,’ ‘समान अन्तर,’ ‘आमाको नाम,’ ‘ढुंगाको मन,’ ‘भेडेटारको पिकनिक,’ 
‘मेरो आमाको नाम,’ ‘ना४ख ४३८५,’ ‘ख्यालीमा हारेको धुर्ब,’ ‘अँध्यारोको गीत,’ र ‘कृष्णेले बिहे गरेछ’ लगायत दर्जनभन्दा बढी कविता प्रस्तुत गरे ।

‘कतार मेरो भाग्यमा रहेनछ,’ कविता प्रस्तुत गर्ने बेलामा उनले भने, ‘सन् १९९८ मा कतारमा काम गर्न आउन दुई पटक प्रयास गरेँ । तर, दुवै पटक सफल भइनँ ।’

‘खोलाको गीत’ र ‘लाटो पहाड’ जस्ता कृतिका सुब्बालाई सिर्जना वाचनबापत् ५० हजार रुपैयाँ पारिश्रमिक पनि दिइयो । कार्यक्रममा फिल्म निर्देशक प्रकाश आङदेम्बेको ‘देश खोज्दै जाँदा’ को विशेष सोसमेत गरियो । स्रष्टा हरिविनोद अधिकारीको एल्बम ‘पञ्चे बाजा’ को लोकार्पण पनि गरियो ।

कार्यक्रममा नेपाली दूतावासका द्वितीय सचिव हरिप्रसाद अर्याल र डबली संयोजक श्यामराज रानाभाटले प्रवासमा नेपाली साहित्यको विकास भइरहेको बताएका थिए ।