मल्लिकाले तिर्न सकिनन् कोठाभाडा

कान्तिपुर संवाददाता

काठमाडौँ — बलिउड अभिनेत्री मल्लिका शेरावत फ्रान्स गएको लामै समय बितिसक्यो । उनी त्यहाँ ब्वाइफ्रेन्डसँग बस्ने गरेकी छन् । फ्रेन्च अदालतले मल्लिकालाई घर खाली गर्न आदेश दिएपछि उनीबारे अनेक तथ्य बाहिर आइरहेका छन् । अभिनेत्रीले घरको भाडा नतिरेपछि यस्तो फैसला सुनाइएको एएफपीले जनाएको छ ।

एजेन्सीका अनुसार डिसेम्बर १४ मा मल्लिका र उनका लिभ इन पार्टनर सिरिल आक्सफेन्सलाई फयाल्टको भाडा (७८ हजार ७ सय ८७ युरो) तिर्न भनिएको थियो । भाडा नतिरेपछि अदालतले फर्निचर जफत गर्ने आदेश दियो । मल्लिका र सिरिल पेरिसको एरोनडिसेमेन्ट्समा बस्दै आएका छन् । यो त्यहाँको सबैभन्दा महँगो र भीभीआईपी सहर हो, जहाँ हलिउडका थुप्रै मेगा बजेट फिल्मको छायांकन हुने गरेको छ ।
उनीहरू बसेको फ्ल्याटको भाडा प्रतिमहिना ६ हजार ५४ युरो (७ लाख ३६ हजार ६ सय ४० रुपैयाँ) छ । उनीहरूले अहिलेसम्म एक चोटि मात्रै २ हजार ७ सय १५ युरो तिरेका छन् । मल्लिकाको वित्तीय स्थिति कमजोर भएको र भरपर्दो जागिर पनि नपाएकाले भाडा तिर्न नसकेको उनका वकिललेबताएका छन् । तर, घरमालिकका अनुसार यो बयान झूटो हो । मल्लिकाले फ्ल्याट भाडामा लिएयता १० मिलियन युरो कमाइसकेको उनी बताउँछन् ।

Yamaha

केही समयअघि मात्रै मल्लिकाले आफू पेरिसको अपार्टमेन्टमा बस्ने गरेको खबर झूटो भएको बताएकी थिइन् । कसैले आफूलाई डेरा दान दिएको भए त्यसको ठेगाना बताइदिन आग्रह गर्दै उनले व्यंग्यात्मक टीट गरेकी थिइन् । अहिले अपार्टमेन्टको भाडा नतिरेपछि उनको पोल खुलेको छ ।

प्रकाशित : पुस २७, २०७४ ०७:५२
ADVERTISEMENT
प्रतिक्रिया
पठाउनुहोस्
ADVERTISEMENT

सुनीताका कविता

कान्तिपुर संवाददाता

काठमाडौँ — कवि सुनीता गिरी कविता संग्रह ‘माइत जाने बाटो’ सहित आएकी छन् । हङकङ बस्दै आएकी चितवनकी गिरीको संग्रह हालै याउ मा तेई कम्युनिटी हलमा लोकार्पण गरियो ।

लेखक अतीत मुखिया, नेपाल क्लब र हङकङ नेपाली महासंघकी अध्यक्ष रीता गुरुङ, नेपाली साहित्य प्रतिष्ठानका अध्यक्ष टंक सम्बाहाम्फे, हङकङ साहित्यिक साझा शृंखलाका संयोजक डीबी पालुङा, समीक्षक समाज हङकङका संयोजक हेमकुमार लावती, सञ्चारकर्मी किसन राई, विश्व नेपाली साहित्य महासंघ हङकङका अध्यक्ष चन्द्र मादेन ‘आन्छन’, एनआरएनए हङकङकी अध्यक्ष टीका गुरुङले संग्रह लोकार्पण गरेको विज्ञप्तिमा जनाइएको छ ।
उक्त संग्रहबारे कवि दीपा एवाई राई र लावतीले टिप्पणी गरेका थिए भने कवि टोपबहादुर याक्खा, पूर्णिमा शाहलगायतले संग्रहभित्रका कविता वाचन गरेका थिए । संग्रहमा ‘सपनामा आमा’, ‘मृत्युलाई पत्र’, ‘रातो रङ’, ‘नारी र स्वतन्त्रता’, ‘धरहरासँगै ढलेको धरहरा’, ‘माइत जाने बाटो’ लगायतका कविता छन् ।

प्रकाशित : पुस २७, २०७४ ०७:५२
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT