’लम्फू’ को फस्टलुक

एक युवाको जीवनमा आइपर्ने अकल्पनीय घटनाहरूको फेहरिस्त प्रस्तुत गर्ने बताइएको फिल्म ‘लम्फू’ मा समय र परिस्थितिले मानिसलाई नायक र खलनायक दुवै बनाउँछ भन्ने मूलकथा रहेको बताइएको छ । फिल्मलाई गोपालचन्द्र लामिछानेले निर्देशन गरेका हुन् भने पपुलर मल्टिमिडियाको ब्यानरमा शक्तिबल्दब घोरासैनीले निर्माण गरेका हुन् ।

भूपतिको पटकथा रहेको फिल्मलाई दीपक बज्राचार्यले खिचेका हुन् भने हरि सिलवालको सम्पादन, अष्ट महर्जनको द्वन्द्व, रामजी लामिछाने र शिव विकको कोरियोग्राफी रहेको छ । चलचित्रमा बालकलाकार कुशाग्र भट्टराईको पनि अभिनय रहेको छ । साता अघि मात्रै अर्जुन पोखरेलको संगीत रहेका फिल्मका चार गीतको अडियो भर्सन सार्वजनिक गरिएको थियो । जसलाई युटयुब भ्युअर्सले शतप्रतिशत सकारात्मक प्रतिक्रिया दिएका छन् । छिट्टै फिल्मको ‘सँगै जिउने सँगै मर्ने...’ बोलको गीतको भिडियो सार्वजनिक गरिने निर्माण पक्षले जनाएको छ ।