पर्समा आँखा

पिता रणधीरको बर्थ डे पार्टीमा करिश्मा आकर्षक पहिरनमा देखिइन् । रेड एन्ड अरेन्ज गाउनमा सजिएकी थिइन् । तर, पहिरनभन्दा उनले च्यापेको पर्सले सबैको ध्यान खिच्यो । कालो लेदरको उक्त पर्सको मूल्य थोरै थिएन । गुची ब्रान्डको पर्सलाई करिश्माले १ लाख २७ हजार भारुमा किनेकी थिइन् । यो थाहा पाएपछि पार्टीमा उपस्थित पत्रकारले करिश्मा र उनको पर्सको तस्बिर खिचिरहे ।

अभिनेता रणधीरले यसै साता ७१ औं जन्मोत्सव मनाएका थिए । छोरीद्वय करिश्मा र करिनाले आयोजना गरेको पार्टीमा कपुर खानदानका थुप्रै सामेल भए । यही बेला करिश्माबारे अर्को खबर पनि छाएकोमा छ । उनले विवाह गर्न लागेकी छन् । दिल्लीका व्यवसायीसँग अफेयरमा रहेकी उनी चाँडै विवाहबन्धनमा पर्न लागेको हल्ला छ । सन्दीप केही वर्षअघि पत्नीसँग छुट्टिएका थिए भने करिश्मा पनि डिभोर्सी हुन् ।

अभिनेत्रीले सन् २००३ मै विवाह गरेकी थिइन् । उनीहरूका दुई सन्तान पनि छन् जो करिश्मासँगै बस्छन् । उता, करिश्माका नयाँ ब्वाइफ्रेन्डले श्रीमतीलाई दुई करोड रुपैयाँ दिएर पारपाचुके गरेका थिए । तिनका पनि दुई छोरी छन् ।