माया गर्छु भन्नेले...

चन्द्रपुर सिटी जेसिसद्वारा आयोजित महोत्सवमा दिनहुँ कलाकारहरूको प्रस्तुति हुने गरेको छ । हेमन्तले भोजपुरी गीत ‘लभ्लीलभ्ली अँखिया तोहर, लभ्लीलभ्ली गाल’ गाउँदै किशोरदेखि अधबैंसे पुस्तासम्मलाई नचाए । उनले ‘डमडम बज्यो लगनको बाजा, मै अघि बढौं झैं भयो आज,’ ‘जाली रुमाल,’ ‘उकाली जाँदा,’ ‘जमिनमुनि बदाम फल्यो,’ ‘गुडेको रेल,’ ‘माया त यस्तै हो’ जस्ता गीत पनि सुनाए ।

दर्शकश्रोता कोही भिडियो खिच्न त कोही फोटो खिच्न तँछाडमछाड गरिरहेका देखिन्थे । आयोजकसमेत मञ्चमा सेल्फी लिन अघिपछि गर्दै थिए । मञ्चमा अतिथि बनेर बसेकाहरूलाई समेत गायकले नचाए । साँझ ढल्दै जाँदा दर्शकदीर्घा हतार बिर्साउन कमर मर्काइरहेका भेटिन्थे । भीडमा नचाच्ने कोही भएनन् ।

हेमन्तले दर्शकश्रोताको फर्माइस पूरा गर्न बिर्सिएनन् । उनले ‘कुसुम’ गीत गाउँदै प्रस्तुतिको बिट मारेका थिए ।