यी हुन् करोड भ्युज कटाउने ४ आधुनिक गीत

कान्तिपुर संवाददाता

काठमाडौँ — पछिल्लो समय गीतको लोकप्रियता युट्युब भ्युजको आधारले मापन गरिन्छ । गतवर्ष धेरै नेपाली गीतले करोड क्बलमा प्रवेश गरे । ती मध्ये ४ वटा आधुनिक गीतलाई एक करोड भन्दा धेरै पटक हेरिएको छ ।  

माछीले खाने खोलीको लेऊ
गतवर्ष सरोज ओली र मेलिना राईले गाएको ‘माछीले खाने खोलीको लेऊ’ गीत लोकप्रिय बन्यो । यो गीत एक महिनामा १ करोड पटक हेरिएको थियो ।

परम्परागत नेपाली पहिरनमा नायिका प्रियंका कार्की, कार्टुन्ज क्रुका आश्मा र सरोज अधिकारीले फिचरिङ गरेको भिडियोलाई युट्युबमा १ करोड ३४ लाख भन्दा धेरै पटक हेरिएको छ ।

भाइरल भै दियो
सविन कार्की र उनको समूहले फिचरिङ गरेको ‘भाइरल भैदियो’ बोलको गीतलाई युट्युबमा १ करोड ५४ लाख भन्दा धेरै पटक हेरिएको छ ।

मानष राजको शब्दरचना, संगीत तथा स्वरमा रहेको गीतमा उदयराज पौडेलले संगीत संयोजन दिएका छन् । कार्की आफैले कोरियोग्राफी गरेको म्युजिक भिडियो गीतको बोल ‘भाइरल भैदियो’ जस्तै भाइरल भयो ।

कसरी भनुँ
युवा पुस्तामा माझ लोकप्रिय रहेका गायक स्वप्न सुमनको गीत ‘कसरी भनुँ’ पनि चर्चित बन्यो । आफ्नै शब्द, संगीत र आवाजमा स्वप्नले गाएको गीतको लिरिकल भिडियोलाई युट्युबमा १ करोड ४८ लाख भन्दा धेरेपटक हेरिएको छ ।

दिलको भित्तामा
कार्टुन्ज क्रुद्वारा अभिनित ‘दिलको भित्ता’ मा बोलको गीतले पनि गत वर्ष चर्चा बटुल्यो । आश्मा र सरोजले कोरियोग्राफी गरेको म्युजिक भिडियोलाई युट्युबमा १ करोड २९ लाख भन्दा धेरै पटक हेरिएको छ ।

प्रकाशित : वैशाख ३, २०७५ २०:११
प्रतिक्रिया
पठाउनुहोस्

इन्धनको मूल्य पुन: बढ्यो 

एक महिनामा प्रतिलिटर ४ रुपैया बढ्यो 
खाना पकाउने एलपी ग्यास र हवाई इन्धनको मुल्य यथावत
राजु चौधरी

काठमाडौँ — नेपाल आयल निगमले पेट्रोलियम पदार्थको मूल्य बढाएको छ । अन्तर्राष्ट्रिय बजारमा मुल्य बढेपछि सोहीअनुसार मुल्य समायोजन गरेको निगमले जनाएको छ । 

‘भारतीय आयल निगम (आईओसी)ले पठाएको नयामुल्य सुचीअनुसार प्रतिलिटर पेट्रोलको १ रुपैयाँ, डिजेल र मट्टिलेलको मुल्यमा २/२ रुपैयाँ बढेको छ,’ निगमका प्रवक्ता वीरेन्द्र गोइतले भने, ‘नयाँ मूल्य सोमबार राति १२ बजेदेखि लागु हुनेछ ।’

नयाँ मूल्यअनुसार प्रतिलिटर पेट्रोलको मुल्य १ सय ६ रुपैयाँ, डिजेल र मटितेल प्रतिलिटर ८७/८७ रुपैयाँ पुगेको निगमले जनाएको छ । यसघि प्रतिलिटर पेट्रोलको मुल्य १ सय ५ रुपैयाँ, डिजेल ८५, मट्टितेल ८५ रुपैयाँ थियो । नयाँ मुल्यअनुसार प्रतिलिटर पेट्रोलमा २ रुपैयाँ ९१ पैसा नाफा छ । डिजेलमा भने पैसा घाटा छ । डिजेलमा प्रतिलिटर ०.७६ रुपैयाँ घाटा रहेको प्रवक्ता गोइतले बताए ।

निगमले खाना पकाउने एलपी ग्यास र हवाई इन्धनको मूल्य भने यथावत् राखेको छ । खाना पकाउने एलपी ग्यासको मुल्य १३ सय ७५ रुपैयाँ पर्छ । हवाइ इन्धन आन्तरिकतर्फ प्रतिलिटर ९५ रुपैयाँ छ । हवाई इन्धन अन्र्तराष्ट्रियतर्फ प्रतिलिटर १ अमेरिकी डलर तोकेको छ ।

निगम अत्यधिक घाटामा गएपछि सरकारले २०७१ असोजमा स्वाचित मुल्य लागु गरेको थियो । स्वचालित मुल्य अनुसार आईओसीले १ र १५ तारिखमा नयाँ मूल्य पठाउँछ । निगमले सोहीअनुसार मुल्य समायोजन गर्दै आएको छ । यसअघि २ अप्रिलमा पनि पेट्रोल, डिजेल र मट्टितेलमा प्रतिलिटर दुई रुपैयाँ बढेको थियो । अप्रिल १५ सम्म पाक्षिक नाफा २० करोड रुपैयाँ थियो । नयाँ मुल्यसुची अनुसार पाक्षिक नाफा २१ करोड २३ लाख रुपैयाँ पुगेको जनाएको छ ।


प्रकाशित : वैशाख ३, २०७५ १९:३९
पूरा पढ्नुहोस्
प्रतिक्रिया
पठाउनुहोस्