‘वीरांगना’ असार २९ मा
काठमाडौँ — नारीप्रधान फिल्म ‘वीरांगना’ असार २९ मा रिलिज हुने भएको छ । शिल्पा पोखरेल र अनुपविक्रम शाहीको अभिनय रहेको उक्त फिल्मलाई राजबहादुर सानेले निर्देशन गरेका हुन् ।
काठमाडौं (कास)–
बाबुराम दास, श्यामबहादुर थापा, रघु परियार र विमला भट्टको संयुक्त निर्माण रहेको फिल्ममा शिल्पा र अनुपसहित पृथ्वीराज प्रसार्इं, धीरेन शाक्य, प्रज्वल गिरी, प्रिया रिजाल, धु्रव कोइराला, सुशील पोखरेल, अंशु थापा, अमृत सापकोटालगायत कलाकारहरूको अभिनय रहेको छ ।
फोर्थ आई मुभिजको ब्यानरमा निर्माण गरिएको ‘वीरांगना’ मा श्री श्रेष्ठको द्वन्द्व निर्देशन रहेको छ । फिल्मलाई उपत्यकामा गोपालकाजी कायस्थ र उपत्यका बाहिर एफडी कम्पनीले वितरण गर्ने बताइएको छ ।
प्रकाशित : वैशाख ५, २०७५ ०९:१८