यिनै हुन् २०१८ को पहिलो चार महिनामा धेरै कमाउने बलिउड फिल्म

सन् २०१८मा बलिउडको लागि सुखद लक्षण देखिएको छ । अप्रिलसम्म ५ वटा फिल्महरुले सय करोड भारु कलेक्शन गरिसकेका छन् ।

पद्मावत

यो सञ्जय लिला भान्सालीको निर्देशन, दीपिका पादुकोण, शहिद कपुर र रणवीर सिंहको मुख्य भूमिका रहेको पदमावतले हालसम्म ५ सय ८५ करोड भारु ग्रस कलेक्शन गरेको छ । रानी पदमावतिको कथा समावेश भएको यो फिल्म दुई सय १५ करोड भारुमा निर्माण गरिएको थियो ।

बागी–२

एक्शन थ्रिलर बागी–२ ले बलिउडमा धुम मच्चाइरहेको छ । योङ स्टार टाइगर श्राफ र उनकी प्रेमिक दिसा पटानीको अभिनय रहेको यो फिल्मले दुई सय ४६ करोड कलेक्शन गरिसकेको छ । करिव सय करोड भारुमा यो फिल्म निर्माण भएको थियो ।

सोनुकी टिटुकी स्वीटी

लव रन्जनले निर्देशन गरेको कमेडी फिल्म सोनुकी टिटुकी स्वीटीले एक सय ४८ करोड भारु कलेक्शन गरेको छ । कम लागतमा निर्माण भएको यो फिल्मले लगानीको सय प्रतिशत नाफा कमायो ।

रेड

राजकुमार गुप्ताको निर्देशन र अजय देवगनको अभिनय रहेको क्राइम थ्रिलर रेडले एक सय ४२ करोड भारु कलेक्शन गरेको छ । यो फिल्म अहिले विभिन्न मुलुकहरुमा प्रदर्शन भइरहेको छ । भारतीय सञ्चारमाध्यमहरुका अनुसार यो फिल्म निर्माण गर्न करिब ५५ करोड भारुमा लागेको थियो ।

प्याडमेन

बायो ग्राफिल कमेडी ड्रामाको फिल्म प्याडमेनले यो वर्ष बलिउडमा हलचल नै मच्चायो । महिलाहरुको मासिक श्रावको कथावस्तुलाई समेटेर आर बाल्कीले निर्देशन गरेको यो फिल्ममा अक्षय कुमारले अभिनय गरेका छन् । ७० करोडको भारुमा निर्माण भएको यो फिल्मको वितरण अधिकार क्रीआर्ज इन्टरटेन्मेन्टले लिएको थियो ।

बलिउडमा यो वर्ष सलमान खानको रेस–३, रणवीर कपुरको सन्जु, अक्षय कुमारको गोल्डलगायतका अन्य फिल्महरु पनि रिलिज हुदैँछन् ।