बलिउड अभिनेता अर्जुन रामपाल दम्पति अलग्गिए

कान्तिपुर संवाददाता

काठमाडौँ — बलिउड अभिनेता अर्जुन रामपाल र उनकी श्रीमती मेहर रामपाल अलग्गिएका छन् । उनीहरुले २० वर्षको वैवाहिक सम्बन्धलाई ब्रेक लगाएका हुन् ।

सोमबार दुवैले संयुक्त विज्ञाप्ति निकाल्दै सम्बन्धलाई ब्रेक लगाएको उल्लेख गरेका छन्। अर्जुन र मेहरले सन् १९९८ मा विवाह गरेका थिए। उनीहरुका माहिका र माइरा नाम गरेका दुई छोरी छन्।

एकआपसमा अलग्गिने निर्णय गरेपनि छोरीहरुका लागि सधैँ एक हुने उनीहरुले जारी गरेको विज्ञाप्तिमा उल्लेख छ। उनीहरुले सम्बन्ध अन्त्य भएपनि माया रहिरहने उल्लेख छन्।

अर्जुनले एक अज्नाबी,डन,ओम शान्ति ओम,रक अन,हाउसफुल,राजनीति जस्ता फिल्ममा अभिनय गरेका छन्। मेहर पूर्व मिस इन्डिया हुन्।

प्रकाशित : जेष्ठ १४, २०७५ १५:३३
प्रतिक्रिया
पठाउनुहोस्
ADVERTISEMENT
ADVERTISEMENT

हेलिकप्टरको चटारो (फोटोफिचर)

मनोज पौडेल

लुक्ला (सोलुखुम्बु) — लुक्लामा अहिले हेलिकप्टरलाई भ्याइनभ्याइ छ । पर्यटकीय मौषम सकिन लागेपछि लुक्ला विमानस्थलको हेलिप्याडमा हेलिकप्टरको आवतजावत निक्कै बाक्लो भएको छ । एकैपटक ६ वटासम्म हेलिकप्टर ल्याण्ड गर्ने गरेका छन् ।

विदेशी पर्यटकलाई एक ठाउँबाट ल्याउन नपाउँदै हेलिकप्टर अर्को ठाउँकालागि उड्ने गरेको छ । पर्यटक पनि गन्तव्यमा जानकालागि लाम लागेर उभिने गरेका छन् ।

कतिपय पर्यटकले माउण्टेन फलाईट गर्ने गरेका छन् । मंगलबार मौषम सफा भएपछि बिहान ७ बजेदेखि १० बजेसम्म २८ बढी फलाईट भएको उनले बताए ।

विशेष गरी पर्यटकलाई सगरमाथा बेस क्याम्प, नाम्चेबजार, खुम्जुङ, लुबुचे र टिङ्बुचे लगायतका ठाउँमा ल्याउने लैजानेमै हेलिकप्टरलाई दिनभर भ्याइनभ्याइ हुने एयर डाईनेष्टीका असिस्टेन्ट म्यानेजर आषिश सुन्दासले बताए ।

अहिले सगरमाथा आरोहण गरेर फर्किने आरोहीले गर्दा पनि फ्लाईट ह्वात्तै बढेको छ । कतिपय हेलिकप्टरले पर्यटकलाई काठमाडौंसम्म ल्याउने लैजाने गरेका छन् ।

यहाँ कैलाश, हेली एभरेष्ट, मनाङ, अल्टिटीयुट, एयर डाईनेष्टी र सिम्रिक एयरले सेवा दिने गरेका छन् । मौषम सफा भए दिनभरमा ८० फ्लाईटसम्म हुने गरेको एयर डाईनेष्टीका असिस्टेन्ट म्यानेजर सुन्दासले बताए । मार्च, अप्रिल र मे महिना यहाँको पर्यटकीय मौषम हो ।

तस्बिर : मनोज पौडेल

प्रकाशित : जेष्ठ १४, २०७५ १४:४३
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT