जितेनको ‘तिमी जुन रैछौ...’
काठमाडौँ — एक दशक भन्दा लामो समयदेखि सक्रिय गायक, संगीतकार तथा अभिनेता जितेन तामाङ लामाको ‘तिमी जुन रैछौ...’ बोलको गीत युट्युवमार्फत् सार्वजानिक भएको छ ।
वर्षा शिवकोटी, जितेन र सचिन थापाको अभिनय रहेको गीतमा जितेन स्वयंको संगीत रहेको छ भने निरलाल श्रेष्ठको रचना छ । गायक स्वरुपराज आचार्यको स्वर रहेको गीतको भिडियोले राम्रै प्रतिक्रिया पाइरहेको छ ।
दर्जनौ गीतमा संगीत भरेका जितेनले ‘के म तिम्रो साथी बन्न सक्छु’, ‘रातो घर’ लगायतका फिल्ममा समेत अभिनय गरेका छन् । म्युजिक भिडियोमा पनि उनी उत्तिकै सक्रिय छन् । यतिबेला उनी नयाँ फिल्मको तयारी गरिरहेका छन् ।
प्रकाशित : असार १६, २०७५ २१:३३प्रतिक्रिया