‘रातको कुरा’ गर्दै प्रियंका–प्रमोद

गीतका दृश्यबारे संगीताले भनिन्, ‘फिल्मको कथाअनुसार नै गीत तयार पारेका छौं । गीतमा देखाउनकै लागि सस्ता नभई परिस्थितिजन्य दृश्य राखिएका छन् ।’ उनले महिला निर्देशक भएर पनि ग्ल्यामरस सिनमा जोड दिएकामा प्रश्न लाग्नसक्ने जोखिमतर्फ इंगित गर्दै थपिन्, ‘मलाई लाग्छ, निर्देशक भन्ने कुरा लिंगले छुट्टयाउँदैन । ऊ केवल निर्देशक हुन्छ । यसैले मैले फिल्मको कथाअनुसार नै यसलाई यथार्थको धरातलमा रहेर तयार गरेकी छु ।’

काठमाडौंलाई कर्मभूमि बनाएर संघर्ष गरिरहेका तीन पात्रको कथालाई फिल्ममा समेटिएको बताइएको छ । असोज १२ देखि प्रदर्शनमा आउन लागेको फिल्ममा गीतका शब्द र संगीत प्रदीप बास्तोलाको हो ।कार्यक्रममा फिल्मका कलाकार सन्जोग कोइराला र सन्ध्या केसी पनि उपस्थित थिए । आयुष्मान जोशी, प्रेक्षा अधिकारी पनि ‘कथा काठमाडौं’ को मुख्य भूमिकामा छन् । आहाना फिल्म्सको ब्यानरमा निर्मित फिल्ममा विजय राईको लगानी छ । फिल्मलाई लुजा सिंहले खिचेका हुन् भने मित्र गुरुङले सम्पादन गरिरहेका छन् । भरत रेग्मीको कलर तथा भीएफएक्स रहेको फिल्मको पटकथा भने संगीता आफैंले लेखेकी हुन् ।