यसै आर्थिक वर्षदेखि काठमाडौं उपत्यकाका २० हलमा लागू गरिएको बक्स अफिस प्रणालीले आफ्नो ट्रयाक समात्न थालेको छ । फिल्म रिलिज भएर उत्रेको वर्षौंसम्म हल र वितरकबाट पैसा नपाउने, पाए पनि सही हिसाब नपाउनेजस्ता झमेला बेहोर्दै आएका निर्माताले फिल्म प्रदर्शनकै क्रममा व्यापार आँकडा हेर्न मात्रै हैन, प्रदर्शन सकिएको दुई साताभित्र वितरकबाट पूरापुर पैसा पनि पाउने भएका छन् ।
साउन १५ लाग्यो कि मोतीलाल राई आफ्नो जमाना सम्झिएर भावुक भइदिन्छन् । उनका कानमा बाँसुरी र मुरलीका ती धुनहरू गुन्जन थाल्छन्, जसलाई उनले त्यो थलो र उमेरसँगै छोड्दै गए ।
आर्यन सिग्देल र साम्राज्ञी राज्यलक्ष्मी शाह सोमबार नारायणगढमा थिए । आउँदो शुक्रबार रिलिज हुन लागेको ‘कायरा’ का नायक–नायिका यो फिल्म मन पराइनेमा आशावादी सुनिए ।
छायांकनको मेसोमा रहेको ‘गोपी’ मा अभिनेत्री वर्षा शिवाकोटी पनि थपिएकी छन् । यसअघि अभिनेता खगेन्द्र लामिछाने र अभिनेत्री सुरक्षा पन्तको निधो भइसकेको फिल्मको हालै पटकथा सकिएको र त्यही अनुरूप कलाकार खोज्दा वर्षा छनोटमा परेको निर्देशक दीपेन्द्र लामाले जनाए ।
चर्यागुरु चन्द्रमान मुनिकार एक दिन आफ्ना चेलाचेलीलाई नृत्य सिकाइरहेका थिए । चर्या नृत्यको प्रचारको लक्ष्य लिइरहेका उनलाई पछि उनका गुरु राजेन्द्र श्रेष्ठ लगायतले झपारे । ‘चर्याको अनुशासन मिच्नु भएन,’ गुरुको भनाइ थियो, ‘यसलाई बजारिया बनाउनु ठीक होइन ।’
अघिल्लो महिना तामाङ फिल्मकर्मी रोशन फयुबा ‘सेर्कु’ फिल्मको छायांकन र सम्पादनमा व्यस्त थिए । आधा दर्जन फिल्म निर्देशन गरिसकेका उनले केही दिनअघि मात्रै नयाँ फिल्म निर्देशनको घोषणा गरे, ‘स्हेङ’ (नासो) ।
अमेरिकी गायिका टेलर स्विफ्टले वेमाउथ, मासाचुसेट्सका प्रहरी कर्मचारीलाई आफ्नो कार्यक्रमको टिकट उपहार दिएकी छन् । सहकर्मीको मृत्युका कारण शोकमग्न संगठनलाई उनले टिकट दिएर कार्यक्रममा निम्तो गरेकी हुन् ।
बलिउड नायिका आलिया भट्ट उमेरले २५ पुगिसके पनि अझै बचपना बाँकी नै छ । तर प्रेमका सवालमा भने उनी निकै अगाडि देखिएकी छन् । आफूभन्दा १० वर्ष जेठा रणवीर कपुरलाई ताकिनन् मात्रै, रिलेसनसिप गाँस्नै सफल भइन् ।
गायक मोहन राई राष्ट्रिय भाव र मायाप्रेमका गीतहरुसहित आएका छन् । उनको दोस्रो एल्बम ‘मायाको खेल’ मा व्याकुल माइला, प्रदीप ज्ञवाली, नव सिलवाल, दिनेश थपलियादेखि मुकेश राई, मनु लोहारुङ राई, राजा घले, दिपेन्द्र शर्मासम्मका गीत छन् ।
गायिका संगीता प्रधान राना केहीअघि समस्यामा थिइन् । उनका श्रीमान् किशोर रानाको मृगौला प्रत्यारोपण गर्नुपरेकाले ठूलो रकम जोहो गर्नुपर्ने भयो । कसरी जम्मा पार्ने ? सोचमग्न भइरहेकै बेला उनका विद्यार्थीहरू भेट्न आए । तिनले भने, ‘नआत्तिनुस् म्याम, हामी सहयोग गर्छौं ।’ त्यो क्षण संगीता भावुक बनिन् । अहिले उनी भन्छिन्, ‘त्यो नै मेरा लागि सबैभन्दा ठूलो गुरुदक्षिणा थियो ।’