शत्रुघ्न सिन्हा शाश्वतधाममा

उद्योगपति विनोद चौधरीसँगको पारिवारिक कामको सिलसिलामा नेपाल आउँदा शाश्वतधामको दर्शनपूजन गर्न आएको उनले बताए । ‘नेपाल देवताहरुको भूमि हो । पशुपतिनाथको कृपाले म नेपाल आइरहन्छु र विशेष पूजा गर्छु,’ ७२ वर्षीय सिन्हाले भने, ‘हिजो पशुपतिनाथको दर्शन गरेर प्रफुल्लित थिएँ, आज उनै पशुपतिनाथले यहाँ पठाए ।’

सिन्हा आउने भएपछि शाश्वतधामको एकाम्बरेश्र महादेवको मन्दिरमा पूजाका लागि विशेष व्यवस्था मिलाइएको थियो । उनको सुरक्षाका लागि भन्दै उल्लेख्य संख्यामा सशस्त्र र नेपाल प्रहरीको टोली खटिएको थियो । सिन्हालाई हेर्न सर्वसाधारणको भीड लागेको थियो । शाश्वतधाममा आइपुग्दा उनलाई संस्कृत गुरुकुलका विद्यार्थीले फूलमाला र ढाकाटोपीले स्वागत गरेका थिए ।