अभिनेता राकेश रोशनलाई क्यान्सर 

उनका छोरा एवं अभिनेता ऋतिक रोशनले सामाजिक सञ्जालमा तस्बिर हाल्दै राकेशको अवस्थबारे जानकारी गराएका हुन् । राकेशको मंगलबार सर्जरी हुने ऋतिकले जनाएका छन् ।

ऋतिका अनुसार राकेशलाई 'स्क्वामोस सेल कार्सीनोमा' अर्थात् गलाको क्यान्सर भएको छ । राकेश रोशनले आफ्नो फिल्मी करियर सन् १९७० को 'घर घर की कहानी' बाट सुरु गरेका थिए ।

उनले सन् १९८७ मा 'खुदगर्ज' निर्देशन गरेका थिए । उनकै निर्देशनमा 'कोयला', 'करण-अर्जन' जस्ता चर्चित फिल्म बनेका छन् । राकेशले सन् २००० को 'क हो ना प्यार हे' बाट आफ्नो छोरा ऋतिकलाई बलिउडमा डेब्यू गराएका थिए ।

ऋतिक पछिल्लो समय 'सुपर-३०' नामक चलचित्रको काममा व्यस्त थिए भने उनको बुवा राकेश 'क्रिस-४'को तयारीमा थिए ।