लभ स्टेसनको जुन उदायो

‘मेरो आँगनीमा...’ गीतको भिडियोमा यही जोडीको सम्बन्धलाई प्रकाश पारिएको छ । प्रदीपका अनुसार उनी यो फिल्ममा एक लोक ब्यान्डका भोकलिस्ट हुन्छन् । भिडियोमा भने लभ स्टेसन नामक क्याफेमा आफ्नो ब्यान्डसहित गायनको तयारीमा रहेको बेला जसिताको आगमन भए पनि प्रदीपले उनको प्रशंसामा गीत गाउँछ । फिल्ममा आफू कुनै स्टार कलाकार नभएर क्षेत्रीय तहको गायकको भूमिकामा रहेको उनले खुलाए ।

संगीतकार शम्भुजित बाँस्कोटाको संगीत रहेको गीतमा सुरेश लामाको स्वर छ । गीतलाई फिल्मकै निर्देशक उज्ज्वल घिमिरेले लेखेका हुन् । यही गीतमार्फत प्रदीपलाई गायकको रूपमा फिल्ममा स्थापित गराइएको प्रस्तुतकर्ता गोविन्द शाहीले जनाए । ‘यो गीत रिलिजसँगै फिल्मको प्रमोसनल अभियान पनि सुरु भएको छ,’ उनले भने, ‘मंगलबारदेखि कलाकारले मोफसल यात्रा थाल्नेछन् ।’

यही चैत २२ गते देशभर रिलिज हुने फिल्ममा प्रदीप र जसितासँगै रमेश बुढाथोकी, प्रकाश शाह, रेशु भट्टराई, विनोद कुमार

पौड्याल, प्रिया रिजाल, सरु विष्ट, रवि डंगोल, दिनेश काफ्ले, कालु रानासहितको अभिनय छ ।

काफिया फिल्मस्को ब्यानरमा निर्माण गरिएको फिल्ममा काफिया शाही (क्रिसु) र कविरवित्रम शाहीले निर्माण गरेका हुन् । आलोक शुक्लाको छायांकन रहेको फिल्ममा शम्भुजित बाँस्कोटा, दीपक शर्मा, राजनराज शिवाकोटी र एलिश कार्कीको संगीत छ ।