अस्ट्रेलियामा 'मायालु' सार्वजनिक

नारायण खड्का

अस्ट्रेलिया — गायक तथा संगीतकार आरसी थापाले 'मायालु' बोलको गीत सार्वजनिक गरेका छन् । अस्ट्रेलिया बस्दै आएका थापाकै शब्द/संगीत रहेको गीतमा स्वरुपराज आचार्यले स्वर दिएका छन् ।

यसपहिले आचार्य दाजुभाइको स्वरमा 'प्रारम्भ' नामक एल्बम निकालिसकेका उनले उक्त एल्बमको दोस्रो श्रृङ्खलाको तयारीस्वरुप पहिलो गीत सार्वजनिक गरेको जानकारी दिए ।

Citizen


संगीत आफ्नो पूर्णकालीन काम नभए पनि अस्ट्रेलियामा रहेका नेपाली दर्शक/श्रोताहरुको मायाका कारण आफू संगीत सिर्जनामा लागिपरेको उनको भनाइ छ । म्युजिक भिडियोसहित सार्वजनिक गरिएको उक्त गीतमा रीमा विश्वकर्मा तथा जीवन भट्टराईले अभिनय गरेका छन् । प्रकाश धितालले निर्देशन गरेको उक्त भिडियोमा उत्सव दाहालको छायांकन र टेकेन्द्र दहालको सम्पादन छ ।

प्रकाशित : चैत्र १४, २०७५ १६:४२
प्रतिक्रिया
पठाउनुहोस्
ADVERTISEMENT

न्यु साउथ वेल्समा सत्तारूढ दलको बहुमत

नारायण खड्का

अस्ट्रेलिया — अस्ट्रेलियाको न्यु साउथ वेल्स राज्यमा भएको चुनावमा सत्तारूढ लिबरल पार्टीले बहुमत हासिल गरेको छ । निर्वाचनमा हार व्यहोरेपछि विपक्षी दल लेबरका नेता माइकल डेलीले आफ्नो पदबाट राजीनामा दिएका छन् । 

कुल ९३ सिट रहेको प्रतिनिधिसभामा लिबरलले ४७ सिटमा विजयी भएको हो । विपक्षी दल लेबरले भने जम्मा ३५ सिटमा मात्र जित हासिल गरेको छ । ग्लाडिस बेरेजिक्लियानले न्यु साउथ वेल्सको चुनावमा बहुमत ल्याउने पहिलो महिला नेतृ बनेकी छन् । उनी न्यु साउथ वेल्सकी प्रिमियर हुन् । देशकै सबैभन्दा ठूलो व्यावसायिक केन्द्र सिड्नी राजधानी रहेको राज्यको निर्वाचनलाई अस्ट्रेलियामा निकै महत्त्वका साथ हेरिन्छ ।

निर्वाचनमा हार व्यहोरेसँगै विपक्षी दल लेबरमा केही महिनाअघि मात्र नेतृत्वमा आएका माइकल डेलीले पार्टी नेताबाट राजीनामा दिएका छन् । निर्वाचनमा भएको हारसँगै विपक्षी पार्टीभित्र उत्पन्न दबाब थेग्न नसकेर उनी राजीनामा दिन बाध्य भएको अस्ट्रेलियाली सञ्चारमाध्यमले उल्लेख गरेका छन् । तर उनले आफू केही महिनापछि हुने पार्टीक नेतृत्व चयनमा सहभागी हुने बताएका छन् ।

केही महिनामा हुन लागेको केन्द्रीय निर्वाचनमा समस्या पर्ने आंकलनबीच सत्तारूढ लिबरलाई न्यु साउथ वेल्समा भएको जितले केही राहत दिएको विश्लेषण गरिएको छ । लिबरका आधा दर्जनभन्दा बढी उच्च नेताले केही समयअघि राजनीतिबाट सन्यास लिएका थिए । न्यु साउथ वेल्सको निर्वाचन परिणामले केन्द्रीय निर्वाचनमा समेत असर पार्न सक्ने आंकलन गरिएको छ ।

विगत दुई कार्यकालदेखि लगातार सत्तामा रहेको लिबरलले यस निर्वाचनमा ४ सिट गुमाएको भए पनि सरकार बनाउन आवश्यक सिट भने जित्न सफल बनेको छ । राजनीतिक विश्लेषकहरूले लिबरलले निर्वाचनमा अपेक्षा गरेभन्दा राम्रो नतिजा निकालेको दाबी गरेका छन् ।

प्रकाशित : चैत्र १२, २०७५ ०९:२३
पूरा पढ्नुहोस्
ADVERTISEMENT
प्रतिक्रिया
पठाउनुहोस्