भक्तराज आचार्य राष्ट्रिय संगीत सम्मान प्रेमध्वज र शम्भूजितलाई

कान्तिपुर संवाददाता

काठमाडौँ — भक्तराज आचार्य संगीत प्रतिष्ठानले ‘भक्तराज आचार्य राष्ट्रिय संगीत सम्मान २०७५’ गायकतर्फ प्रेमध्वज प्रधान र संगिततर्फ संगितकार शम्भूजित बासकोटालाई प्रदान गरेको छ ।

सिटी एक्सप्रेस मनी ट्रान्सफरसँगको सहकार्यमा प्रदान गरिएको उक्त सम्मानको राशी जनही पचार हजार रहेको प्रतिष्ठानले बताएको छ । एक कार्यक्रमबीच भक्तराज आचार्य संगीत प्रतिष्ठानका संरक्षक गायक तथा भजन शिरोमणि भक्तराज आचार्य, प्रतिष्ठानकी अध्यक्ष श्रीमती सुशिला आचार्य तथा सिटी एक्सप्रेस मनी ट्रान्सफरका प्रबन्ध निर्देशक चन्द्र टण्डनले संयुक्त रुपमा यो सम्मान प्रदान गरेका थिए ।

Citizen

भक्तराज आचार्य संगीत प्रतिष्ठानले विगत केहि वर्ष यतादेखि संगीत र कलाको क्षेत्रमा महत्वपूर्ण योगदान पुर्‍याउने स्रष्टाहरुलाई सम्मान गर्दै आएको छ । सो कार्यका लागि सिटी एक्सप्रेसले सामाजिक उत्तरदायित्व अन्तर्गत भक्तराज आचार्य संगीत प्रतिष्ठानलाई साथ दिंदै आएको छ ।

प्रकाशित : वैशाख ३०, २०७६ १५:२९
ADVERTISEMENT
ADVERTISEMENT
प्रतिक्रिया
पठाउनुहोस्

राष्ट्रपति भण्डारीद्वारा जानकी मन्दिरमा पूजाअर्चना

सन्तोष सिंह

जनकपुर — जानकी नवमीको अवसरमा राष्ट्रपति विद्यादेवी भण्डारीले जानकी मन्दिरमा पूजाअचर्ना गरेकी छन् । सोमबार बिहानै जनकपुर आइपुगेकी राष्ट्रपति भण्डारीले नौ लखा मन्दिरले परिचित जानकी मन्दिर मुलुकको अमूल्य धरोहर रहेको बताएकी छन् ।

विद्वानहरुको जन्म, कर्मभूमि र तपोभूमि जनकपुर प्रेरणको स्रोतको रुपमा लिएर यहाँको धार्मिक मठ मन्दिरको संरक्षणमा उनले जोड दिइन् । जानकी मन्दिरमा पूजा अर्चनापछि मन्दिर परिसरमा आयोजित समारोह सम्बोधन गर्दै भण्डारीले मौलिक मिथिला कला उतकृष्ट एक नमुना रहेको बताइन् । उनले भनिन्, 'विश्वविख्यात जानकी मन्दिरको पूजा अर्चनाले प्रसन्न भएको छु ।'

जानकी नवमी महोत्सवले नेपाली समाजिक, सांस्कृतिक र राष्ट्रिय अखण्डतालाई थप सुदृढ बनाएको भण्डारीले बताइन । परम्परा र संस्कृतीको संरक्षणमो जोड दिँदै भण्डारीले राजा जनक र विद्वान अष्टाबक्रको जन्मभूमि कुनै बेला ज्ञानको केन्द्र भएपनि पछिल्लो समय समाजिक विकृति बढेको प्रति चिन्ता व्यक्त गरिन् ।

'शिक्षा र कलामा धनी जनकपुरमा पछिल्लो समय सामाजिक विकृति र विसंगति बढेको छ,' भण्डारीले भने 'विकृति अन्त्यकालागि सक्रियता बढाउनु आवश्यक छ ।' समाजिक चेतना र जागरणको महत्वपूर्ण कार्ययोजना अन्तर्गत प्रदेश सरकारले सञ्चालन गरेको 'बेटी पढाउ, बेटी बचाउ' अभियानको प्रसंशा गरिन् ।

प्रकाशित : वैशाख ३०, २०७६ १४:२५
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT