१७.१२°C काठमाडौं
काठमाडौंमा वायुको गुणस्तर: १६०

६८ वर्षेसँग बिहे गर्दै सेलेना

काठमाडौँ — अमेरिकी पप गायिकाका रूपमा चिनिनुअघि सेलेना गोमेज डिज्ने च्यानलको टीभी सिरिजबाट अभिनय क्षेत्रमा बालकलाकारका रुपमा नै भित्रिसकेकी थिइन् । १७ वर्षकी छँदै आफ्नो ब्यान्ड खोलेर पहिलो एल्बम ‘किस एन्ड टेल’ ल्याएपछि भने गोमेज पप गायनमै रम्न थालिन् ।

६८ वर्षेसँग बिहे गर्दै सेलेना

दुई वर्षअघि बिलबोर्डलेकोतथ्यांकअनुसार गोमेजका विश्वभरमा एल्बम ७० लाख बिक्री भएका थिए भने दुई करोड २० लाखप्रति एकल गीत बिक्री भएका थिए ।


पछि सेलेना विश्व चर्चित सेलिब्रेटी नै बनिन् । गतवर्ष फुटबलर क्रिस्टियानो रोनाल्डोले उछिन्नुअघि उनी इन्स्टाग्राममा विश्वकै सर्वाधिक फलोअर्स पाउनेमा थिइन् । अहिले पनि गोमेजले इन्स्टामा राख्ने प्रत्येक पोस्टबाटै आठ लाख डलर कमाउँछिन् ।


गायन क्षेत्रकी आइकन बनिसकेकी २६ वर्षीया गोमेज हालै भने कान्स फिल्म फेस्टिभलमा देखापरिन् । विश्वभरका उत्कृष्ट फिल्महरूको प्रिमियरदेखि बजार प्रवर्द्धनका लागि प्रतिष्ठित मानिने कान्समा यसपटक उनी आफैं अभिनीत फिल्म ‘द डेड डन्ट डाई’ को प्रिमियर भयो । गोमेज प्रिमियरको रेडकार्पेटमा कोएक्टर बिल मुरेसँगै देखापरेकी थिइन् ।


यो उनको पहिलो कान्स अनुभव पनि हो । कान्स अनुभवले उत्साहित भएकी गोमेजले रेडकार्पेटका फोटा पोस्ट गर्दै उल्लेख गरेको क्याप्सनले माहोल गर्माएको छ । पोस्टमा उनले ६८ वर्षीय कोएक्टर मुरेसँगको रेडकार्पेट फोटो राख्दै उनीसँग विवाह गर्न लागेको उल्लेख गरेकी थिइन् ।


सेतो लुइस भुइटोनमा रेड कार्पेटमा प्रस्तुत भएकी अभिनेत्री गोमेजले लेखेकी छन्, ‘कान्समा मेरो पहिलो पटक । फिल्मको एक सदस्य हुन पाएकोमा आफूलाई सम्मानित महसुस गरेकी छु र, टिमप्रति आभार । साँच्चै, बिल मुरे र म विवाह गर्दै छौं ।’


गोमेजको स्टाटसले फ्यान निकै उत्तेजित भए । आफूभन्दा ४६ वर्ष जेठा मुरेसँगको विवाह किस्साले सबैलाई अवाक नै बनायो । उता, मुरेले पनि भ्यानिटी फेयरलाई अन्तरवार्ता दिने क्रममा भनिदिए, ‘मलाई उनी साँच्चै मन पर्छ । मायालु र स्वाभाविक छन् । म सधैं आफूलाई मनपर्ने पप आइकन भेटा आनन्दित महसुस गर्छु ।’ रेडकार्पेटमै मुरेले गोमेजको कानमा गएर फुसफुसाएका थिए । के भने त बाहिर आएन तर त्यसपछि गोमेजपछि उत्तेजित हुँदै मुरेतर्फ फर्केर फ्लाइङ किस दिएकी थिइन् ।


आफूभन्दा एक वर्ष कान्छा पप गायक जस्टिन बिबरसँग लामो समय रिलेसनसिपमा रहेकी गोमेज यति बेला भने सिंगल छिन् । प्रियंका चोपडाका पति गायक निक जोनाससँग १६ वर्षकै उमेरमा पहिलो पटक डेट थालेकी गोमेजले ३ वर्षपछि जस्टिनसँग जोडिन थालेपछि निकलाई छोडिदिइन् ।


पछि जस्टिनसँगको सम्बन्ध पनि कहिले छुट्ने कहिले जोडिने हुँदै अन्ततः गतवर्षको मार्चमा विधिवत् टुंगिएको थियो र उनी गायक द विकेन्डसँग छोटो समयका लागि जोडिएकी थिइन् । जेहोस्, लामो समय सुस्ताएकी गोमेजलाई चर्चा कमाउन यसपटकको कान्स लाभदायक रहृयो ।

प्रकाशित : जेष्ठ ७, २०७६ १०:३५
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?