भिटेन र मेलिनाले नचाए

कान्तिपुर संवाददाता

(सुनसरी) — युवा पुस्ताले मन पराएका कलाकार हुन्, र्‍यापर समीर घिसिङ (भिटेन) र गायिका मेलिना राई । यी दुईले धरानको पब्लिक स्कुलको मैदानमा शनिबार बेलुका दर्शकश्रोतालाई लगातार तीन घण्टा नचाए । 

धरानमा आयोजित कन्सर्टमा गीत गाउँदै गायक भिटेन । तस्बिर : प्रदीप मेन्याङ्बो/कान्तिपुर 

करिब ८ हजारभन्दा बढी दर्शकले भरिएको धरानको पब्लिक स्कुलको मैदानमा गायिका राईले ‘तिमीले बाटो फेर्‍यौ अरे...’, ‘असारे महिना...’, ‘चरी जस्तै...’, ‘माछीले खाने खोलीको लेउ...’, ‘कम्मर माथि पटुकी...’, ‘गोजीमा दाम छैन...’, ‘दारी फुल्यो बैंसमा...’, ‘कुटुमा कुटु...’ लगायत लोकप्रिय गीत सुनाइन् । यसअघि पनि मेलिनाले धरानमा कन्सर्ट दिएको भए पनि यति धेरै दर्शकश्रोताको साथ मिलेको थिएन ।

उनीपछि भिटेन स्टेजमा आए । धरानमा तेस्रो पटक झुल्किएका भिटेन युवामाझ लोकप्रिय छन् । उनले गाउन थालेपछि दर्शकश्रोताले भरिएको मैदानमा बेग्लै माहोल सिर्जना भएको थियो । उनले ‘कोही साथी प्रहरी बने कोही साथी गुन्डा मचाहिँ आफ्नै धुनमा...’, ‘यता पनि चुरोट उता पनि चुरोट...’, ‘र्‍यापको बाटो...’, ‘हालखबर...’, ‘म मान्छे खत्तम...’, ‘लाहुरेको रेलिमाई...’, ‘सिमसिमे पानी जिस्कने बानी...’, ‘सही हो सही हो...’ लगायत गीत सुनाए ।

उनको गीत सुन्न १० वर्षमुनिका केटाकेटीसमेत आफ्ना अभिभावकसँग आएका थिए । सिल्भर इन्टरटेनमेन्टले गरेको ‘सात्विक मनोरञ्जन धमाका’ मा डेनी थलङ लिम्बू र सुनयना श्रेष्ठले भिटेन र मेलिनालाई साथ दिएका थिए ।

प्रकाशित : जेष्ठ २७, २०७६ ०८:०८
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

‘राम्रो अफर नै आउँदैन’

कान्तिपुर संवाददाता

काठमाडौँ — ‘इन्दिरा’ फिल्ममा ३६ वर्षअघि नै बाल कलाकारको भूमिकामा देखिइसकेकी अभिनेत्री कोनकोना सेन शर्माले पछि आफ्नै आमाले निर्देशन गरेको अंग्रेजीभाषी फिल्म ‘मिस्टर एन्ड मिस्टर्स ऐयर’ बाट उत्कृष्ट अभिनेत्रीको नेसनल अवार्ड नै जितिन् ।

पछि सन् २००६ को फिल्म ‘ओमकारा’ बाट सहअभिनेत्रीका लागि पनि कोनकोनाले नेसनल अवार्ड जितिन् । उनले चारवटा फिल्मफेयर अवार्ड जितिसकेकी छन् । अभिनयमा पारंगत मानिने भए पनि कोनकोनालाई २०१७ को ‘लिपिस्टिक अन्डर माई बुर्का’ पछि दर्शकले हलको पर्दामा देख्न पाएका छैनन् तर अभिनेत्रीको दुःख भने फिल्म नपाउनुमा भन्दा पनि स्टेरियो टाइप भूमिकामा आउने अफरका कारण रहेछ ।

‘मैले करिअरको १५ वर्षमा प्रायः अरूले गर्न नचाहेका एकैखालका भूमिका मात्रै गरिरहेकी छु । नत्र बाँकी त आफ्नो मनले नखाएका भूमिका धेरै छन् ।’ तर अब भने कोनकोनाको पनि भाग्य बल्न थालेको छ । फिल्म ‘अ मनसुन डेट’ मा कोंकणा ट्रान्सजेन्डरको चुनौतीपूर्ण भूमिकामा देखिँदै छिन् । उक्त भूमिकालाई लिएर ३९ वर्षीया अभिनेत्री निकै उत्साहित छिन् । ‘मैले यस्तो भूमिका पहिले कहिल्यै गरेकी थिइनँ । यही नै मेरा लागि एउटा ठूलो मौका थियो । चरित्र एकदमै सुन्दर ढंगबाट बुनिएको छ । पत्रपत्र केलाएर सूक्ष्म ढंगबाट मनदेखि लेखिएको छ । मलाई यस्तो भूमिकाका लागि अफर आउनु नै आफूलाई एकदम भाग्यमानी ठान्छु किनभने मलाई कहिल्यै पनि राम्रो भूमिकाका लागि अफर नै आउँदैन ।’ तर पनि उनी आफू कहिल्यै उदास हुने नगरेको सुनाउँछिन् । उनी फिल्म क्षेत्रका दिग्गज कलाकारसँग काम गर्न पाउँदैमा पनि आनन्द लाग्ने बताउँछिन् ।

प्रकाशित : जेष्ठ २७, २०७६ ०८:०६
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT