कान्तिपुर वेबसाईट
AdvertisementAdvertisement
२१.१२°C काठमाडौं
काठमाडौंमा वायुको गुणस्तर: १६१

नीतु मिस नेवा

काठमाडौँ — यस वर्षको मिस नेवाः को उपाधि नीतु डंगोलले जितेकी छन् । १६ प्रतिस्पर्धीलाई पछि पार्दै नीतुले शीर्ष ताज पहिरेकी हुन् । उनलाई पछ्याउँदै सञ्जिता महर्जन फस्ट रनर्स अप र स्केना कोजु सेकेन्ड रनर्स अप भइन् ।

नीतु मिस नेवा

विजेताहरूलाई लतिलपुर महानगरपालिकाका प्रमुख चिरिबाबु महर्जनले नगद तथा विभिन्न उपहार हस्तान्तरण गरे । नयाँ पुस्तामा मौलिक संस्कृति र ज्ञान हस्तान्तरणका ध्येयले हुँदै आएको मिस नेवाको यो १४ औं संस्करण हो । यसपटककी विजेता नीतुलाई १३ औं संस्करणकी विजेता रीजु मानन्धरले ताज पहि×र्‍याइदिएकी थिइन् ।


प्रतियोगितामा युनिषा शाहीले मिस पर्सनालिटीका साथै सोसल वेलफेयर एम्बेसडर चिफको अवार्ड जित्न सफल भइन् । त्यसै गरी पल्सा महर्जनले मिस पब्लिक च्वाइसका साथै सोसल वेलफेयर एम्बेसडरतर्फको फस्ट रनर्स अपको उपाधि जितिन् भने रोजी शाक्यले बेस्ट हेयरको उपाधि जितिन् ।


त्यस्तै कृतिका प्रजापतिले बेस्ट स्किन, कृषा गैंजुले बेस्ट स्माइल, बिदिशा श्रेष्ठले मिस डिसिप्लिन, अजुमी शाहीले मिस फोटोजेनिक, संगीता महर्जनले मिस फ्रेन्डसप, सिर्जना श्रेष्ठले मिस चार्मिङ, कञ्चन तिताजुले मिस एलिगेन्ट, ईशा श्रेष्ठले बेस्ट ड्रेस र रेफिना श्रेष्ठले सोसल वेलफेयर एम्बेसडरतर्फको सेकेन्ड रनर्स अपको उपाधि जिते । सजिना श्रेष्ठले मिस ट्यालेन्टको उपाधि जित्दा रोशनी कुम्पाखाले उत्कृष्ट नेपाल भाषाको उपाधि हात पारिन् ।


प्रतियोगिताका क्रममा विभिन्न पहिरनको फेसन शोसमेत प्रस्तुत गरिएको थियो । निर्णायक मण्डलमा भने गायक प्रवेशमान शाक्य, बैंकर भाइराजा तुलाधर, नेपाल क्युकोसिन सिसन कराँते एसोसिएसनका अध्यक्ष अशोककुमार श्रेष्ठ, बुटिक एसोसिएसनका अध्यक्ष उज्ज्वलकृष्ण श्रेष्ठ, सञ्चारकर्मी विजयरत्न तुलाधर, मेकअप आर्टिस्ट मञ्जु कार्की पाण्डे थिए ।


प्रतियोगिताले नेवार कला, संस्कृति, गीत, संगीत, नृत्य, रीतिरिवाज, रहनसहन, खानपिन प्रवर्धन गर्दै आएको आयोजक नेप्लिज फेसन होमकी अध्यक्ष हेमा मानन्धरले बताइन् ।

प्रकाशित : असार २, २०७६ ०९:१२
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?