कान्तिपुर वेबसाईट
AdvertisementAdvertisement
२५.१२°C काठमाडौं
काठमाडौंमा वायुको गुणस्तर: ११७

यौनहिंसाविरुद्ध एमाको हेल्पलाइन

कान्तिपुर संवाददाता

काठमाडौँ — विश्वभर यतिबेला कार्यक्षेत्रमा हुने गरेका महिला हिंसाविरुद्ध चर्को आवाज उठ्न थालेको छ । यसप्रति पीडित सचेत हुन थालेका छन् भने पीडकले सामाजिक बहिष्कारदेखि कारबाही भोग्न थालेका छन् ।

यौनहिंसाविरुद्ध एमाको हेल्पलाइन

अझ केही महिलाले हृयासट्याग मीटू अभियान छेडेपछि त यसले संसारभर नै चर्को रूप लियो । मीटूको बाछिटा बलिउडदेखि नेपालसम्मै परिरहेको छ ।


हलिउड अभिनेत्री एमा वाट्सनले महिलामाथि हुने गरेको यौनहिंसा र दुर्व्यवहारविरुद्ध सचेतना फैलाउने उद्देश्यले निःशुल्क कानुनी परामर्श दिने उद्देश्यले हेल्पलाइन खोलेकी छन् । यी अभियन्ताले उक्त हेल्पलाइन इंग्ल्यान्ड र वेल्समा रहेका महिलालाई लक्षित गर्दै खोलेको बताइन् ।


उक्त हेल्पलाइन वाट्सनबाहेक सर्वसाधारणकै दानमा सञ्चालन हुने बताइएको छ । ‘अन्ततः मान्छेहरूले यस्ता हिंसाले उब्जाउने समस्याको बल्ल महसुस गर्ने भएका छन्,’ अभिनेत्रीले बीबीसीसँगको कुराकानीमा भनेकी छन्, ‘यस हेल्पलाइनले कार्य क्षेत्रमा हुने गरेको महिला यौनहिंसा र दुर्व्यवहारप्रति रोकथाम र उत्तरदायित्व बहनको नयाँ वातावरण बन्ने विश्वास लिएकी छु ।’


हेल्पलाइनको अर्को उद्देश्य महिलाहरूले आफ्नो अधिकारबारे जानकारी पाउनुका साथै कसरी तिनले दुर्व्यवहार गर्नेप्रति कदम चाल्ने र हरेकका लागि कार्य क्षेत्र सुरक्षित बनाउने भन्ने नै मुख्य रहेको बताइएको छ ।


वाट्सनले थपिन्, ‘परामर्श दिने यस हेल्पलाइन सबै महिलाप्रति सहयोगी बन्ने छ र उनीहरूप्रति कार्य क्षेत्रमा यौनहिंसा नहुने वातावरण बनाउनेमा विश्वस्त दिलाउन उद्यत रहने छ ।’ यसका लागि हेल्पलाइनले पीडित महिलाका तर्फबाट कानुनी लडाइँ पनि लड्ने र परामर्श दिने पनि वाट्सनले बताइन् ।

प्रकाशित : श्रावण २२, २०७६ ०८:४४
प्रतिक्रिया
पठाउनुहोस्
जनताको राय

पूर्वउपराष्ट्रपतिका छोरा तथा अखिल क्रान्तिकारीका महासचिव दिपेश पुनपछि सत्तारूढ माओवादीका उपाध्यक्ष तथा पूर्वसभामुख कृष्णबहादुर महरा सुन तस्करी अनुसन्धानमा पक्राउ परेका छन् । के सरकारले भ्रष्टाचारविरुद्ध शून्य सहनशीलता अपनाएकै हो त ?