फरक क्षमताकी सुजल

उनका पिता टेकबहादुरका अनुसार उक्त प्रतियोगितामा उनी संयोगले सहभागी हुन पुगेकी थिइन् । एसईई दिएर विद्यालयबाट बाहिरिँदै गर्दा कसैले उनलाई एउटा पम्प्लेट हातमा थमाएछ ।

पम्प्लेटमा फेसन इराको मिस्टर र मिस एसईई २०१९ का बारेमा जानकारी थियो । प्रतियोगितामा भाग लिन मन लागेको भाव बुझेपछि उनका पिता खुसी त भए तर छोरीका सपना कसरी पूरा गर्ने भन्नेमा अलमलमा परे । पछि आयोजकले नै बमको प्रतिभा परीक्षण गरेपछि सहभागिता सम्भव भएको थियो ।

सुजलले केही दिन परीक्षणमा बिताउनुपर्‍यो । उनको हिँड्नेदेखि अन्य सम्पूर्ण कला सबैले मन पराए । प्रतियोगिताभर उनका पिता सँगै हुन्थे ।

प्रतियोगितामा छोरीलाई सांकेतिक भाषामार्फत उनैले बुझाउँथे । प्रतियोगितमा सहभागी २९ किशोर र ६० किशोरीको समूहमा उनी मात्र फरक क्षमताकी भए तापनि उनले उक्त ब्युटी पिजेन्टको फाइनलमा मोस्ट कन्फिडेन्ट अवार्ड, मल्टिमिडिया अवार्डका साथै पितालाई उत्कृष्ट अभिभावक अवार्डसमेत जिताउन सफल भइन् ।

उनका नीला आँखाले पनि धेरैलाई आकर्षित गरिदियो । मोडलिङका अलवा फुटबल, नृत्य, पेन्टिङ, फोटोग्राफीमा सुजलको खास रुचि छ ।