कप्तान ह्यारी केनले दुई गोल गरेसँगै इंग्ल्यान्डले फिफा विश्वकप २०१८ अन्तर्गत समूह चरणको पहिलो खेलमा ट्युनिसियालाई २-१ ले हराएको छ । खेलको ११ अौं मिनेटमा केनले इंग्ल्याण्डलाई अग्रता दिलाएका थिए ।
स्वीडेनले सन् १९५८ यता पहिलोपल्ट विश्वकपको पहिलो खेल जितेर फिफा विश्वकप २०१८ मा उत्कृष्ट सुरुआत गरेको छ । कप्तान आन्द्रिएस ग्रान्कभिस्टले खेलको ६५ औं मिनेटमा गरेको पेनाल्टी गोलसँगै स्वीडेनले समूह ‘एफ’ को खेलमा दक्षिण कोरियालाई १–० ले पराजित गर्यो ।
रुसले विश्वकप २०१८ मा सानदार सुरुआत लिन सफल रह्यो, जतिबेला उसले साउदी अरेबियालाई ५–० ले हरायो । तर रुसले मंगलबार इजिप्टको सामना गर्दा अफ्रिकी प्रतिद्वन्द्वी नितान्त फरक हुनेछ । इजिप्ट आफ्नो जादुयी खेलाडी मोहमद सलाहको फर्काइले उत्साहित छ ।
जापानी फुटबल टोलीका सबैभन्दा परिचित अनुहार हुनसक्छन्, सिन्जी कागावा । अहिले बोरुसिया डर्टमन्डसँग आवद्ध कागावाले कुनै समय म्यानचेस्टर युनाइटेडका लागि खेलेका थिए ।
केइटा बाल्डे प्राय: ‘केइटा’ नामले बढी चिनिन्छन् । उनी अचेल मोनाकोका लागि फ्रान्सको लिग–वानमा खेल्छन् । उनले किशोर छँदा बार्सिलोनामा पनि केही वर्ष बिताए ।
रुसी विश्वकपको आफ्नो पहिलो खेलमा प्रभाव पार्न नसक्ने ठूलो राष्ट्रको सूचीमा ब्राजिल पनि थपिएको छ । ब्राजिललाई आइतबार स्वीट्जरल्यानडले १–१ को बराबरीमा रोक्यो ।
प्रशिक्षकलाई विश्वकपको ७१ दिनअघि बर्खास्त गरेको जापानले शंका गर्नेहरूलाई गलत साबित गर्ने प्रयासमा मंगलबार फिटनेसका लागि संघर्षरत् स्टार मिडफिल्डर जेम्स रोड्रिग्वेजको टिम कोलम्बियाविरुद्ध प्रतिस्पर्धा गर्दै छ ।
विश्वकप २०१८ मा समूह ‘जी’ तर्फका प्रारम्भिक खेलमा बेल्जियम र इंग्ल्यान्ड विजयी रहे । यसमध्ये बेल्जियमको जित निकै प्रभावशाली रह्यो । बेल्जियमलाई उपाधिको दावेदार मान्ने पनि गरिन्छ, किनभने टिममा उत्तिकै राम्रा खेलाडी छन् । यो टिममा बेल्जियमका स्वर्णिम पुस्ताका खेलाडी रहेका छन् । पानामामाथि प्राप्त ३–० को जित यसै कारणले हो ।