[विश्लेषण] अब नयाँ पुस्ताको पालो

नवीन न्यौपाने

काठमाडौँ — विश्वकप २०१८ मा हिजो राति दुई ठूला नामले अन्तिम पटक खेले, अर्जेन्टिनाका लियोनल मेसी र पोर्चुगलका क्रिस्टियानो रोनाल्डो । लामो समयदेखि यिनै दुई खेलाडी विश्व फुटबलमा छाइरहेका थिए, संयोगले एकै दिन उनीहरूको टिमको चुनौती रुसमा समाप्त भयो । सम्भवत: दुवै खेलाडीका लागि यो विश्वकप अन्तिम हुन सक्छ । 

सायद अबको विश्वकपमा उनीहरूले खेल्ने छैनन्। यससँगै विश्व फुटबलमा एक युगको समाप्त भएको छ र अब नयाँ पुस्तामा विश्व फुटबल हस्तान्तरण भएको छ। अब ठूला नामका रूपमा नयाँ पुस्ताका खेलाडी अगाडि आउने छन्। हिजो रातिका दुई अन्तिम १६ का खेलमा फ्रान्सले अर्जेन्टिनालाई ४–३ ले हरायो भने पोर्चुगलमाथि उरुग्वे २–१ ले विजयी रह्यो।

Yamaha

मेरो विश्लेषणमा अर्जेन्टिनालाई सुरुदेखि उनीहरूको अनावश्यक ट्याकल खेल्ने कारणले ठूलो घाटा पुर्‍याएको थियो। फ्रान्सले पहिलो गोल पेनाल्टीबाट गरेको थियो र त्यसमा पनि यही कारण रह्यो। फ्रान्सले त्यसमा ट्याकल नै गर्नु थियो भने सुरुमै पेनाल्टी एरिया बाहिर गर्नु पर्ने थियो। फ्रान्सले भने निकै राम्रो खेल खेल्न सफल रह्यो।

केयनिल एमबापेले अब्बल दर्जाको खेल खेले र उनलाई रोक्न अर्जेन्टिना पूर्णतस् असफल रह्यो। उनीसँगै फ्रान्सले आक्रमणमा जुन गति तयार पारेको थियो, त्यसलाई अर्जेन्टिनाले ठीकसँग सामना नै गर्न सकेन। अर्जेन्टिनाका लागि एन्जेल डि मारियाले एक गोल त गरे, तर त्यस अगाडि उनी खेलमा कहाँतिर थियो, त्यो देख्दै देखिएन्। उनी हराएका जस्तै थिए।

अर्जेन्टिनी डिफेन्स वास्तवमै कमजोर देखियो, पूरा प्रतियोगितामा। यता फ्रान्सले जति आक्रमण बुनेको थियो, त्यसमध्ये गोल नभएको स्थितिमा पनि ती स्तरीय देखिए। फ्रान्सको सफलताको एक कारण सफलतापूर्वक मेसीलाई रोक्नु रह्यो। जसरी फ्रान्सले मेसीलाई रोकेको थियो, ठीक त्यसरी नै उरुग्वेले पनि रोनाल्डोलाई निस्तेज पारेको थियो।

यो पनि यी दुई टिमको सफलताको एक प्रमुख कारण रह्यो। उरुग्वे र फ्रान्सबीचको खेल एक प्रकारले ५०–५० जस्तै रह्यो। तर पनि दक्षिण अमेरिकी टिमले दुई गोल गर्‍यो र दुवै गोल एडिनसन कबानीको नाममा रह्यो। कबानीले यसक्रममा आफू कति स्तरीय खेलाडी हो भनेर सिद्ध गर्न सके। उनका दुवै गोल उत्कृष्ट थिए।

त्यसमध्ये पनि पहिलो गोल निकै राम्रो रह्यो। खासमा उरुग्वेली टिमको प्रमुख विशेषता र बलियो पक्ष भनेकै टिमका दुई प्रमुख खेलाडी लुइस स्वारेज र कबानीबीचको ठीक तालमेल हो। यसै कारणले टिमको गोल पनि निस्के। उरुग्वेले यसैक्रममा लगातार चार खेल जितेको छ, लिग चरणका तीन जितसँगै। यसले देखाउँछ, टिम लयमा छ।

पोर्चुगलले पनि उरुग्वेविरुद्ध आक्रमण नगरेको होइन, तर ती प्रभावशाली देखिएनन्। उरुग्वे दुई गोल गरेपछि केही हदसम्म रक्षात्मक पनि देखियो। तर पोर्चुगललाई गोलको अवसर नदिनुमा उरुग्वेली रक्षापंक्तिको पनि प्रशंसा गर्नै पर्छ। पोर्चुगलले लामो पास खेल्न चाहिरहेको थियो र सकेसम्म बल रोनाल्डोतर्फ फ्यालिरहेको थियो, तर उनी आफै भने उरुग्वेको कडा रक्षापंक्तिको जालोमा थिए।

(न्यौपाने राष्ट्रिय टिमका पूर्व खेलाडी हुन्। उनी हाल त्रिभुवन आर्मी क्लबका प्रशिक्षक छन्। उनले केही समय अगाडि मात्र एसियाली फुटबल महासंघको प्रशिक्षक ‘ए’ लाइसेन्स कोर्स उतीर्ण गरेका छन्।)

प्रकाशित : असार १७, २०७५ ०७:२०
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

मत परिणामका सबै रिट खारेज

कान्तिपुर संवाददाता

ओखलढुंगा — उच्च अदालत विराटनगरको अस्थायी इजलास ओखलढुंगामा स्थानीय तहको मत परिणाम बदर माग गर्दै परेका सबै रिट निवेदन खारेज भएका छन् । अदालतको कार्यक्षेत्रभित्र पर्ने उदयपुर, ओखलढुंगा र सोलुखुम्बुबाट सातवटा रिट निवेदन परेका थिए ।

ती सबै रिट खारेज भएको उच्च अदालतका सूचना अधिकारी ईश्वर आचार्यले बताए ।

मत परिणामकै विषयलाई लिएर दर्ता भएका थप तीन मुद्दामध्ये एक फिर्ता र एक खारेज भएका छन् । उत्प्रेषण, परमादेश र निषेधाज्ञाबाट निर्वाचन परिणाम बदर, पुन: मतगणना र पुन: मतदानको माग गरी रिट दर्ता भएका थिए । थप तीन मुद्दा भने निर्वाचन बदर र निर्वाचित व्यक्तिको योग्यतासँग सम्बन्धित थिए । सोलुखुम्बु जिल्लाको अयोग्यतासम्बन्धी एक मुद्दा मात्र अदालतमा विचाराधीन छ । मत परिणाम अस्वीकार गर्दै ओखलढुंगाबाट चार, सोलुखुम्बु र उदयपुरबाट ३/३ वटा मुद्दा दर्ता भएका थिए ।

प्रकाशित : असार १७, २०७५ ०६:५३
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT