‘यो विश्वकप उत्कृष्ट’

रोयटर्स

मस्को — फिफाका अध्यक्ष जियानी इन्फान्टिनोले रुसमा जारी विश्वकप हालसम्मकै सबैभन्दा उत्कृष्ट विश्वकप भएको बताएका छन् । उनले यस प्रतियोगिताले विश्वको नजरमा रुसप्रतिको धारणा पनि परिवर्तन गरेको उनले बताए ।

शुक्रबार स्वयंसेवकको रातो पोसाकमा देखिएका इन्फान्टिनोले प्रतियोगिताको इतिहासमै पहिलोपल्ट प्रयोग गरिएको भिडियो असिस्टेन्ट रेफ्री (भार) को प्रशंसा गरे । उनले अफसाइड गोललाई लिएर हुने विवाद नयाँ प्रविधिको प्रवेशले अन्त्य गरेको बताए ।

‘दुई वर्षदेखि मैले यो उत्कृष्ट विश्वकप हुन्छ भन्दै आएको थिएँ । अब म दाबी गरेर यो
उत्कृष्ट थियो भन्न सक्छु,’ उनले भने, ‘यस प्रतियोगिताले रुसलाई पनि बदलेको छ । रुस अब फुटबलको देश भएको छ । प्रतियोगिता अवधिभर ९८ प्रतिशत रंगशाला भरिएको थियो । लाखौंको संख्यामा विदेशी पाहुना यहाँ आएर गए ।

रुसलाई हेर्ने नजर पक्कै परिवर्तन भएको छ ।’इन्फान्टिनो कतारमा हुने विश्वकपबारे गरेको प्रश्नलाई लिएर भने केही बोल्न चाहेनन् । केही दिनयता कतारमा हुने विश्वकपमा पनि ४८ टोली समावेश हुने हल्ला चलेको छ । ‘हामी पहिला कतार अनि फिफा काउन्सिल र सम्बन्धित पक्षसँग छलफल गर्नेछौं । यस विषयमा संयमित भएर निर्णय लिनु आवश्यक छ,’ उनले थपे, ‘हाललाई विश्वकपमा ३२ टोलीकै सहभागिता रहनेछ ।’

Yamaha

Esewa Pasal

प्रकाशित : असार ३१, २०७५ १३:१८
प्रतिक्रिया
पठाउनुहोस्
ADVERTISEMENT

शिक्षामन्त्रीले आजै ‘चिकित्सा शिक्षा विधेयक २०७५’ संसदमा पेश गर्ने कार्यसूची

मकर श्रेष्ठ

काठमाडौँ — संघीय संसदको आइतबार १ बजे बस्ने बैठकमा सरकारको तर्फबाट शिक्षा, विज्ञान तथा प्रविधि मन्त्री गिरिराजमणी पाखरेलले ‘चिकित्सा शिक्षा विधेयक २०७५’ पेश गर्ने कार्यसूची रहेको छ ।

शिक्षामन्त्रीद्वारा ‘चिकित्सा शिक्षा विधेयक २०७५’ संसदमा प्रस्तुत गर्नु अघि उक्त विधेयक प्रस्तुत गर्न संसदमा अनुमति माग गरिएको प्रस्ताव विरुद्ध नेपाली कांग्रेसका सांसद गगन थापाले दर्ता गराएको विरोधको सूचना निणर्याथ प्रस्तुत हुने छ । यस्तै सरकारको सोही प्रस्तावको विरुद्धमा नेमकिपाका सांसद प्रेम सुवालले पनि विरोधको सूचना दर्ता गराएका छन् । त्यसलाई पनि आजकै संसदमा निणर्याथ प्रस्तुत गरिने छ ।


त्यसपछि मात्रै शिक्षामन्त्रीले ‘चिकित्सा शिक्षा विधेयक २०७५’ प्रस्तुत गर्ने कार्यसूचि रहेको छ ।
यस्तै आजको बैठकको सुरुमा भने नेकपाकी सांसद विन्दा पाण्डेले महिला हिंसाको विषयलाई लिएर संकल्प प्रस्ताव पेश गर्ने भएकी छिन् । संसदको कार्यसूची अनुसार सांसद पाण्डेले पेश गरेको प्रस्ताव आजै निणयार्थ प्रस्तुत समेत गरिने छ ।


नेपालले राष्ट्रिय र अन्तर्राष्ट्रिय रुपमा नै महिलामाथि हुने जघन्य अपराध र सबैप्रकारका विभेदलाई अन्त्य गर्न विभिन्न सन्धी र महासन्धीहरुमा हस्ताक्षर गरेकोले त्यसलाई पूर्ण रुपमा कार्यान्वयन गर्न संकल्पको प्रस्ताव ल्याउन लागिएको हो । महिला हिंसाको अन्त्य गर्न र समाजमा रहेका महिला विरोधी कुरितीहरु हटाउनका लागि विद्यालयको पाठ्यक्रममा पनि यसलाई राख्न संकल्प प्रस्तावले सरकारलाई निर्देशन दिने छ ।

प्रकाशित : असार ३१, २०७५ १२:४८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT