क्रोएसिया नयाँ च्याम्पियन बन्ला त ?

क्रोएसियालाई बलियो फ्रान्सविरुद्ध फाइन्लमा जित हासिल गरेर हरेक २० वर्षमा नयाँ विजेता बन्ने क्रमलाई कायम राख्ने अवसर छ ।
राजु घिसिङ

मस्को — पेलेको उदयसँगै ब्राजिल विश्वकपमा पहिलोपल्ट सन् १९५८ मा च्याम्पियन भएको थियो । त्यसयता हरेक २० वर्षमा विश्व फुटबलको सर्वोच्च प्रतियोगिताले नयाँ विजेता पाइरहेको छ ।

पहिलोपल्ट फाइनल पुगेको क्रोएसियाले बलियो टिम फ्रान्सलाई आइतबार लुजनिकी रंगशालामा पराजित गरेर त्यस क्रमलाई निरन्तरता दिने प्रयास गर्दैछ।

Yamaha

रियल म्याड्रिडका मिडफिल्डर ल्युका मोडरिच क्रोएसियाली टिमका आर्किटेक्ट हुन्। सानो शरीरका भएरपनि कहिल्यै नथाक्ने किसिमले मैदानमा दौडदै सटिक पास दिइरहेका उनी प्रतियोगिताकै सर्वोत्कृष्ट खेलाडीको पुरस्कार गोल्डेन बलका प्रमुख दाबेदार हुन्।

उनी मात्र होइनन्, अन्डर डगको रुपमा फाइनल यात्रा तय गर्ने क्रममा बार्सिलोनाका मिडफिल्डर इभान राकिटिच, युभेन्टसका फरवार्ड मारियो मान्जुकिच, मोनाकोका गोलकिपर डानिएल सुबासिच, फ्रयांकफर्टका फरवार्ड एन्टे रेबिकले पनि उत्कृष्ट खेल पस्किरहेका छन्।

इन्टरमिलानका फरवार्ड इभान पेरिसिच त सेमिफाइनलमा इंग्ल्यान्डविरुद्धको जितमा म्यान अफ द म्याच नै चुनिए। इन्टरकै मिडफिल्डर मार्सेलो ब्रोजोभिच पनि उच्च लयमा छन्।

डिफेन्समा एट्लेटिको म्याड्रिडका सिमे भारसाल्को, बेसिक्तासका डोमागोज भिदा, लिभरपुलका डेजान लोभरेन र साम्पडोरियाका इभान स्ट्रिनिचको प्रदर्शन पनि प्रशंसनीय रहेको छ।

रियलका माटेओ कोभासिच, एसी मिलानका निकोला कालिनिचसहित क्रोएसियाको बेन्चका खेलाडी पनि प्रतिभाशाली छन्। त्यसैले त क्रोएसिया इतिहास रच्दै विश्वकपको फाइनल पुग्ने १३ टिम भएको हो। उसले हरेक दुई दशकमा नयाँ विजेता बन्ने ब्राजिल, अर्जेन्टिना र फ्रान्सको सफलतालाई पछ्याउन सक्छन्।

लियोनल मेसी नेतृत्वको अर्जेन्टिनाविरुद्ध समूह चरणमा ३—० को जित निकालेपछि क्रोएसियाले धेरैको ध्यान तानेको थियो। प्रशिक्षक लात्को डालिचले दोस्रो रोजाईको टिमलाई मैदानमा उतारेर पनि समूह चरणको अन्तिम खेलमा आइसल्यान्डलाई पराजित गरेको थियो।

तैपनि पूर्वी युरोपको सानो देशले फाइनल त के सेमिफाइनलको यात्रा गर्छ भन्ने अनुमान पनि गरिएको थिएन। तर, समीकरण त्यस्तै बन्यो।

ठूला टिमहरु अर्कै पोलमा परेपछि क्रोएसियाको बाटो अझ सहज बन्दै गयो। त्यसैको कारण क्रोएसिया फाइन्ल पुगेको भने होइन। किनभने उसले स्वर्णिम पुस्ता मानिएको फुटबलको जन्मदाता इंग्ल्यान्डको युवा टिमलाई सेमिफाइनलमा आक्रमक खेल प्रदर्शन गरेरै हराएको थियो।

अन्तिम १६ मा डेनमार्कलाई पराजित गर्न पनि टाइब्रेकरको साहरा लिएको उसले क्वाटरफाइनलमा आयोजक रुसको चर्को दबाब बल्लतल्त पार गरेको थियो। लगातार दुई घन्टा र टाइब्रेकरको झेल्नुपरेकोले उसका खेलाडीले इंग्ल्यान्डविरुद्ध त्यस्तो आक्रमक खेल्ने अनमुान कमैले गरेका थिए।

दुई घन्टा चलेको सेमिफाइनलको कुनै पनि क्षणमा क्रोएसियाली खेलाडी थाकेको देखिएन। र, त्यही लुजनिकी रंगशालामा उसले उपाधि होडको अन्तिम खेलमा आज फ्रान्सको सामना गर्दैछ। यी दुई सन् १९९८ मा फ्रान्समा भएको विश्वकपको अन्तिम चारमा भिडेका थिए।

त्यसमा डेभोर सुकरले दिलाएको अग्रता जोगाउन नसक्दा लिलियम थुरामले दुई गोल गर्दै फ्रान्सलाई पहिलोपल्ट विश्वकपको फाइनल पुऱ्याएका थिए। र, पछि ब्राजिललाई हराएर फ्रान्स च्याम्पियन नै भयो।

दुई दशकयता फाइनलको पहिलो अनुभवमै च्याम्पियन हुने टिम फ्रान्स र स्पेन हुन्। त्यसैले पेरिसमा २० वर्षअघि बेहोरेको हारको बदला लिनसके क्रोएसिया विश्वकपको नयाँ च्याम्पियन बन्नेछ।

त्यसको लागि क्रोएसियाले एन्गोलो कान्टे र पउल पोग्बाको तगारो पन्छाउदै एन्टोइन ग्रिजमन र किलियन एम्बाप्पेलाई पनि रोक्नुपर्छ। पाभार्ड र उम्टिटिलाई उछिनेर ह्युगो लोरिसको गोलपोष्टमा धावा त बोल्नैपर्छ।

पाँचौपल्ट विश्व्कपमा सहभागि क्रोएसियाको सफलताको मुख्य आधार टिम वर्क हो। उसका खेलाडी जुझारु छन्, भिडेर खेल्छन्। आफ्नो फुटबल कौशलत त उपयोग गर्छन् नै शारीरिक खेलको लागि पनि पछाडि पर्दैनन्। पछाडि परेरपनि हार मान्ने गर्दैनन्।

सन् १९९८ मा हात पारेको तेस्रो स्थानको उपलब्धिलाई उछिन्ने क्रममा यसपालि उसले नकआउटका तीनै खेलमा एक गोलले पछाडि परेको स्थिति उल्टाएर जित रचेको थियो। त्यसैले क्रोएसियाले डिडियर डेसच्याम्पको टिमलाई पन्छाउँदै हरेक २० वर्षमा नयाँ विजेता निस्कने क्रमलाई निरन्तरता दिनसक्छ।

क्रोएसियाको विश्वकप २०१८ को यात्रा

नतिजा प्रतिद्वन्द्वी
२—० नाइजेरिया
३—० अर्जेन्टिना
२—१ आइसल्यान्ड
१—१ डेनमार्क
(३—२ टाइब्रेकर)
२—२ रुस
(४—३ टाइब्रेकर)
२—१ इंग्ल्यान्ड(अतिरिक्त समय)

प्रकाशित : असार ३१, २०७५ १५:१२
प्रतिक्रिया
पठाउनुहोस्
ADVERTISEMENT
ADVERTISEMENT

'एग्जिमा (दाद)' बाट बच्ने उपायहरु

डा. ललित कुमार मिश्र

काठमाडौँ — एग्जिमा (दाद) हेर्दा सामान्य जस्तो देखिने छालाको रोग हो । जुन प्राय, धेरै जसो व्यक्तिमा देखिन्छ । यस रोगबाट पीडित रोगीलाई यस्तो लाग्दछ कि यो रोग कहिले पनि ठिक हुनेवाला छैन । तर, यस किसिमको धारण भने राख्नु ठिक होईन । होमियोप्याथिक चिकित्साबाट यसको उपचार संभव छ ।

लक्षण: एग्जिमा अर्थात दादमा पहिला छालामा रातो भइ सा-साना बिमिराहरु आउँछन् । त्यसमा पानी निस्किन थाल्छ र पाप्रो बस्छ । चिलाउन थाल्छ । कन्ययो भने झन बढेर जान्छ ।

कारण : एग्जिमाको शुरुवात हुने कईयो कारणहरु छन् । बाह्य कारण र अर्को आन्तरिक कारण । बाह्यबस्तुहरुबाट एलर्जी हुनु । जस्तै, साबुन, रबरको चप्पल (हवाई चपल्ल), सिमेन्ट, रगंरोगन, बिन्दी, लिपिस्टिक, नक्कली गरगहना, हेयरडाई, शेविंग क्रिम, फेस क्रिम, चश्माको फ्रेम, घडीको चेन ईत्यादि । यसैगरी कतिपयलाई घाँस परालबाट पनि एलर्जी हुन्छ । कसै-कसैमा खुट्टाको नशा फुल्ने (भेरिकोस भेन) रोग ले गर्दा पनि खुट्टामा एग्जिमा हुन सक्छ । केहि मानिसहरुमा दाद रिगंवर्म (गोलो आकार) मा आएको देखिन्छ । त्यसबाट पानी निस्किन्छ । केहि महिनासम्म ठिक रहन्छ र फेरी त्यस्तै भईहाल्छ । यस किसिमको दाद पुरुषको भन्दा महिलाहरुमा बढी देखिन्छ । यस किसिमको दाद प्राय, कुनै ईन्फेक्शन अथवा एलर्जी ले गर्दा हुन्छ । जबसम्म यसको कारणलाई हटाईंदैन तबसम्म यो बारम्बार भई नै रहन्छ ।

केहि व्यक्तिमा सुख्खा दाद देखिन्छ । जुन कन्याउनले झन बढेर जान्छ । यस किसिमको दाद खास गरी गर्धनको पछाडि, खुट्टा वा पाखुरामा बढी देखिन्छ । यदी टाउकोमा चायाँ (डेन्डड्रफ) बढी छभने केहि व्यक्तिहरुको शरीर फैलिनाले जिउमा नै एक्जिमा हुन्छ । यसैगरी कसै-कसैमा घामको एलर्जीले गर्दा शरीरको खुल्ला भागहरु अनुहार, गर्धन, पाखुरा आदि ठाउँमा रातोभई सा-साना दाना निस्किन्छ । जुन बिस्तारै-बिस्तारै एक्जिमाको रुप धारण गर्दछ । केहि व्यक्तिहरुमा आन्तरिक ईन्फेक्सन, धेरै एलोप्याथिक औषधिको सेवन या रगतको खराबीले हात या खुट्टाको औंलाहरुमा सा-साना पानीको फोका खासगरी गर्मीको याममा एग्जिम हुन्छ । तीन/चार सातामा यो आफै ठिक पनि भई हाल्छ । केहि समय पछि पुन: प्रकट हुन्छ र कन्याउँदा झन बढेर एक्जिमाको रुपमा देखिन्छ ।

केटा-केटीहरुमा पनि हुन्छ एक्जिमा : दाद (एक्जिमा) बयस्यकहरुलाई मात्र हुँदैन कि बालबालिकहरुमा पनि हुन्छ । साना बच्चामा एटोपिक एक्जिमा हुन्छ । जुन सात महिनाको आयुमा बच्चाको अनुहारमा देखिन्छ र केहि महिनासम्म रहन्छ । फेरि ५/६ वर्षको उमेरमा देखिन्छ । अनुहार, पाखुरा र घुँडाको पछाडि भागमा हुन्छ । तीस वर्षको उमेर पछि एटोपिक एक्जिमा हात र खुट्टामा मात्र हुन्छ । केहि बच्चाहरुको अनुहार या कानको पछाडि डेन्ड्रफ (चायाँ) को कारणले पनि दाद हुन सक्छ । यसैगरी बच्चाले पिसाव गरेको कट्टु फेरिएन भने तिघ्रामा लाली या बिमिरा आउँछ र त्यसको उपचार गरिएन भने एक्जिमाको रुप लिन सक्छ ।

बचावका केहि उपायहरु : एक्जिमा हुन नदिन वा यसवाट बच्नको लागि सावधान हुन आवश्यक छ । जुन बस्तुको प्रयोगले छाला रातोहुन्छ, चिलाउँछ, बिमिरा निस्किन्छ त्यस्ता बस्तुहरुको प्रयोग गर्नु हुँदैन । सानो मसिनो बिमिरा आउने बित्तिकै बढि कन्यउनु हुँदैन, पसिना सुकेपछि कन्यउनले पनि एक्जिमा हुन सक्छ । गर्मीमा चिसो वातावरणमा बस्नु पर्छ तथा प्रिकलिहिट पाउडर आदिको प्रयोग गर्नुपर्छ । बच्चाहरुले पिसाव गरेको कट्टु बेला-बेलामा बदलिरहनु पर्छ । घामबाट एलर्जी हुनेले पुरा बाहुला भएको लुगा लगाउने र घाम, बिजुलीको ट्युवलाइटको प्रकाश, टेलिभिजनको किरणबाट बच्नु पर्छ ।

होमियोप्याथिक उपचार : एक्जिमा (दाद) को उपचारको लागि रोगी को मानसिक एवं शारीरिक तथा पारिवारिक लक्षणहरु लाई मध्येनजर राखेर सफलता पूर्वक प्रयोग हुने केहि औषधिहरु निम्न लिखित छन् । औषधिहरु : ग्रेफाईटिस्, मिजेरियम, सल्फर, हिपर सल्फ, साईलिसिया, क्रोटनटिंग, टेल्युरियम, सोराईनम ईत्यादि । अत: एग्जिमाको लक्षण देखिने बित्तिकै आफ्नो नजिकको कुनै प्रशिक्षित होमियोप्याथिक चिकित्सकसंग परामर्श लिई उपरोक्त औषधिहरुको सेवन गर्नु उचित हुन्छ ।
अस्तु ।
Mishradr.lk@gmail.com

प्रकाशित : असार ३१, २०७५ १४:२९
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT