दिनहुँ मद्यपान गर्दा छालाको क्यान्सर

कान्तिपुर संवाददाता

काठमाडौं — बढी मद्यपान गर्ने व्यक्तिमा छालाको क्यान्सर हुने सम्भावना बढ्छ ।

‘ब्रिटिस जर्नल अफ डर्मेटोलजी’ मा प्रकाशित यो अनुसन्धानअनुसार दिनहुँ १० मिलिग्रामभन्दा बढी मद्यपान गर्दा भेसल सेल कार्सिनोमाको खतरा ७ प्रतिशत र स्किन स्क्वमस सेल कार्सिनोमाको जोखिम ११ प्रतिशतसम्म बढ्छ । नन मेलेनोमा क्यान्सरका दुइटा सामान्य प्रकार हुन् यी ।

अनुसन्धानअनुसार, परावैजनी विकिरण सीधै बीसीसी र सीएमसीसीसँग जोडिएको छ । अर्कातिर, मदिरा र क्यान्सरको सम्बन्ध सटिक रूपमा परिभाषित छैन । छालाको क्यान्सर हुने जोखिम मदिराको मात्रामा निर्भर गर्छ ।

प्रकाशित : भाद्र १०, २०७४ ०८:३७
प्रतिक्रिया
पठाउनुहोस्

बाढीपीडितलाई सहयोग

छोटकरी
कान्तिपुर संवाददाता

कञ्चनपुर — निजामती कर्मचारीको आधिकारिक ट्रेड युनियन कञ्चनपुरले बाढीपीडितका लागि २ लाखभन्दा बढी आर्थिक सहयोग गरेको छ ।

संकलित रकम प्रमुख जिल्ला अधिकारीमार्फत शुक्रबार प्रधानमन्त्री दैवीप्रकोप उद्धार समितिलाई पठाइएको हो । आधिकारिक ट्रेड युनियन अध्यक्ष गौराजबहादुर लिम्बूले प्रजिअ मनोहरप्रसाद खनाललाई हस्तान्तरण गरेका हुन् । निजामती कर्मचारी, व्यापारी र सर्वसाधारणबाट संकलन २ लाख २ हजार ८ सय ५५ रुपैयाँको चेक हस्तान्तरण गरिएको हो ।

 

प्रकाशित : भाद्र १०, २०७४ ०८:३७
पूरा पढ्नुहोस्
प्रतिक्रिया
पठाउनुहोस्