असमय कपाल फुल्नु मुटुको कमजोरीको संकेत

कान्तिपुर संवाददाता

उमेरभन्दा अगावै कपाल सेतो हुनु मुटु रोगको संकेत हुन सक्छ । अध्ययनअनुसार, उमेरभन्दा अगावै कपाल फुल्न थाल्ने पुरुषलाई मुटु रोगको चपेटामा आउने सम्भावना सामान्य पुरुषको दाँजोमा बढी हुन सक्छ ।

यो अध्ययन स्पेनको मालागामा गतअप्रिल ६ देखि ८ तारिखसम्म भएको युरोपियन एसोसिएसन अफ प्रिभेन्टिभ कार्डियोलजीको वार्षिक बैठकमा प्रस्तुत गरिएको हो । मिश्रको काहिरा विश्वविद्यालयको अनुसन्धानकर्ताले सयौं वयस्क व्यक्तिमाथि गरिएको अध्ययनपछि यो परिणाम प्रस्तुत गरेका हुन् ।

अध्ययनअनुसार, धमनीको आन्तरिक पर्खालमाबोसो जम्नु र कपाल सेतो हुनुको जैविक प्रक्रियामाधेरै समानता छ । उमेरमा वृद्घि हुनुका साथै दुवैमावृद्घि हुन्छ ।

बिग्रिएको डीएनए, तनाव, सुन्नाइ, हार्मोनसम्बन्धी परिवर्तनसँगै कार्यशील कोषिकामा उमेरको लक्षणजस्तो वस्तु यो प्रक्रियामा सामान रूपले उपस्थित रहन्छ ।

आर्टरियोस्क्लेरोसिस अर्थात् धमनीको कडापनको एउटा चरण यस्तो हुन्छ, जसमा धमनीको आन्तरिक पर्खालमा बोसो जम्न लाग्छ । एथेरोस्केलेरोसिस भनिने यो चरणले गर्दा धमनीमा रक्त प्रवाहको बाटो साँगुरो हुन्छ ।

अध्ययनमा सहभागीहरूमा मुटुको रोग छ वा छैन, मुटुको प्रमुख रक्त बाहिनीमा कुनै क्षति ग्रस्त त छैन भनी जान्नका लागि धमनीको आन्तरिक स्थितिको सिटी कोरोनरी एन्जियोग्राफी प्रविधिको माध्यमले जाँच गरियो ।

अनुसन्धानमा मुटुको रोग र कपालको सेतोपनाको मात्राका आधारमा सहभागीलाई दुई समूहमा बाँडियो । सेतो कपालका आधारमा अनुसन्धानकर्ताहरूले कपाल सेतो हुनुको विभिन्न चरणका लागि अंंक तय गरे । यसअनुसार पूरै कालो कपालका लागि १ अंक, सेतोभन्दा बढी कालो कपालका लागि २ अंक, कालो र सेतो कपालकोबराबर मात्राका लागि ३ अंक, कालोभन्दा बढी सेतो कपालका लागि ४ अंक र पूरै सेतो कपालका लागि ५ अंक तय गरियो ।

हरेक सहभागीको अंक दुई स्वतन्त्र पर्यवेक्षकद्वारा निश्चित गरियो । उनीहरूको मधुमेह, तनाव, रक्तचाप, धूमपान, मुटु रोगको आनुवांशिक इतिहासजस्तो मुटु रोगका लागि पारम्पारिक कारकहरूको तथ्यांकसमेत एकत्रित गरियो ।

सबै तथ्यांकको विश्लेषणले के थाहा पाइयो भने,जुन सहभागीको कपाल बढी सेतो भइरहेको थियो, उनीहरूमा मुटु रोगको खतरा बढी थियो । उमेर रमुटु रोगसँग जोडिएको कारकको यसमा छुट्टै कुनैप्रभाव थिएन ।

अनुसन्धानअनुसार, वास्तविक उमेर कम भए पनि कपालको सेतोपनाले व्यक्तिको बढेको जैविकउमेरको वर्णन गर्छ । यो मुटु रोगको चेतावनीको संकेत हुन सक्छ ।

प्रकाशित : आश्विन २१, २०७४ ०८:५४
प्रतिक्रिया
पठाउनुहोस्

राम्रो पुस्तकले स्मरणशक्तिलाई तिखार्छ

कान्तिपुर संवाददाता

काठमाडौं — एउटा अनुसन्धानको दाबीअनुसार, राम्रो पुस्तक पढ्नाले मस्तिष्कमा सकारात्मक परिवर्तन आउँछ, यसले स्मरणशक्तिलाई तिखार्छ ।

यो अध्ययन जर्नल ब्रेन कनेक्टिभिटीमा प्रकाशित भएको हो । यो अनुसन्धानअन्तर्गत विश्वविद्यालयका २१ विद्यार्थीलाई रावर्ट हारिसको पुस्तक ‘पाम्पेई’, पढ्न दिइएको थियो । १९ दिनसम्मको निगरानीमा मस्तिष्कको बायाँ खण्ड सक्रिय पाइयो । यो अध्ययनमा फंग्सनल म्याग्नेटिक रेसोनेन्स इमेजिङ (एफएमआरआई) को सहयोग लिइएको थियो ।

राम्रो पुस्तक पढ्नाले मस्तिष्कमा सकारात्मक परिवर्तन आउँछ । राम्रो पुस्तक पढ्नाले मस्तिष्कमा कुनै कामलाई गर्नका लागि विचारको गतिविधि सक्रिय हुन्छ । यसले मस्तिष्क कुनै विषयलाई छिट्टै याद गर्छ ।

अनुसन्धानअनुसार, राम्रो कथा पढ्नाले मस्तिष्कको काम गर्ने तरिका पनि परिवर्तन गर्न सकिन्छ । यदि तपाईं केही बढी नै नकारात्मक सोचाइ राख्नुहुन्छ भने राम्रो पुस्तक पढेर तपाईं यसलाई सकारात्मकबनाउन सक्नुहुन्छ ।

अध्ययनमा एफएमआरआई स्केनरको सहयोगले थाहा पाइयो कि कथा पढ्नाले मस्तिष्कको आरामको अवस्थामा परिवर्तन आउँछ ।

कथाले हाम्रो जीवनलाई आकार दिन्छ । एउटा राम्रो कथा मस्तिष्कको सम्झना क्षमता बढाउँछ । कथा पढ्नाले मस्तिष्कमा स्नायुसम्बन्धी परिवर्तन हुन्छ । शरीरमा उत्तेजना हुन्छ र हामी आफूलाई कथाको पात्रको रूपमा अनुभव गर्न थाल्छौं । पुस्तक पढ्ने समय मस्तिष्क ‘भर्चुवल (यथार्थभाषी) दुनियाँमा पुग्छ र त्यही गतिविधिलाई सही मान्छ ।

प्रकाशित : आश्विन २१, २०७४ ०८:५४
पूरा पढ्नुहोस्
प्रतिक्रिया
पठाउनुहोस्