सहरमा उच्च रक्तचापले महिलाभन्दा पुरुष बढी पीडित
काठमाडौं — सहरी क्षेत्रका पुरुषहरूलाई उच्च रक्तचापको जोखिम महिलाका तुलनामा बढी हुने गर्छ । भारतको हैदराबादस्थित राष्ट्रिय पोषण संस्थानको प्रतिवेदनअनुसार, सहरी क्षेत्रका महिलालाई भन्दा पुरुषलाई उच्च रक्तचापको खतरा बढी छ ।
त्यहाँ केरलमा यो समस्याले ग्रस्त व्यक्तिको संख्या सबैभन्दा धेरै छ ।
भारतका १६ प्रतिशत पुरुष धूमपान गर्छन् भने ३० प्रतिशतले मद्यपान गर्छन् । प्रतिवेदनअनुसार ३१ प्रतिशत सहरी पुरुष उच्च रक्तचापबाट पीडित छन् भने यो समस्याले ग्रस्त महिला २६ प्रतिशत छन् ।
अध्ययनअनुसार, केरलमा उच्च रक्तचापले ग्रस्त व्यक्तिको संख्या ३१ प्रतिशतदेखि ३९ प्रतिशतसम्म छ । बिहारमा यो संख्या सबैभन्दा कम १६ प्रतिशतदेखि २२
प्रतिशतसम्म छ ।