३०.१२°C काठमाडौं
धूमपानले गर्दा आन्द्रा सुन्निने समस्या
काठमाडौँ — धूमपानले एकरत्ती फाइदा गर्दैन भन्ने सर्वविदितै छ । यो फोक्सोको क्यान्सरको प्रमुख कारक त हुँदै हो, त्यसअघि यो अम्मलले आन्द्रालाई पनि क्षति पुर्याउँछ । हालै गरिएको एउटा अध्ययन अनुसार, धूमपानका कारण आन्द्रामा क्षति पुग्न सक्छ र त्यसै कारण कोलाइटिसको खतरा बढ्ने आशंका हुन्छ ।
यो अध्ययन ‘फ्रन्टियर इन इम्युनोलजी’ जर्नलमा प्रकाशित छ । उक्त अध्ययन अन्तर्गत, अनुसन्धानकर्ताहरूले चुरोटको धूवाँको सम्पर्कमा आउने मुसामा यो प्रभावका लागि जिम्मेवार खास रक्तकोषिका र प्रोटिनको पत्तो लगाएका छन् ।
यो अध्ययनले वैज्ञानिकहरूलाई आन्द्रा सुन्निँदा हुने रोगहरूको उपचारमा सघाउ पुग्ने अनुमान छ । यसका माध्यमले कोलाइटिस बढ्ने खतराबारे आममानिसलाई जागरुक गर्न सकिन्छ ।
प्रकाशित : पुस २९, २०७४ ०७:५९प्रतिक्रिया
