चिकित्सक संघ डा.केसीको समर्थनमा

अतुल मिश्र

काठमाडौँ — नेपाल चिकित्सक संघले चिकित्सा शिक्षा, गुणस्तरीय स्वास्थ्य सेवाका अभियन्ता प्रा. डा. गोविन्द केसीलाई जुम्लामा सामान्य स्वास्थ्य परीक्षण गराउनमा सरकारले बन्देज लगाएको जनाउँदै भर्त्सना गरेको छ । 

आम नेपालीलाई संविधानले दिएको स्वास्थ्य परीक्षण गराउन पाउने मौलिक अधिकारबाट सरकारले डा.केसीलाई वञ्चित गराएको संघले उल्लेख गरेको छ । यसले सामान्य नागरिकको आधारभूत मानव अधिकारको हनन भएको समेत संघले जनाएको छ ।

Yamaha


संघका महासचिव डा.लोचन कार्कीले विज्ञप्ती जारी गर्दे यो घटनाप्रति गम्भीर ध्यानाकर्षण भएको उल्लेख गर्दै सरकारको वर्तमान कृयाकलापले शान्तिपूर्वक विरोध गर्न पाउने मौलिक अधिकारको हनन भएको बताए ।

संघले जारी गरेको विज्ञप्तीमा ‘यस्तो अस्वाभाविक क्रियाकलाप तुरन्त रोकेर सबै नागरिकलाई बिना कुनै रोक तोक आफ्नो कुराहरु निष्पक्ष रुपमा राख्न पाउने र जुनसुकै स्वास्थ्य संस्थामा सहज र सरल रुपमा स्वास्थ्य सेवा लिन पाउने अधिकारबाट वञ्चित गराइए संघ आफ्नो सदस्यहरुको रक्षाका लागि जुनसुकै कदम चाल्न पछि नपर्ने’, उल्लेख गरेको छ ।

डा.कार्कीले हालको स्थिति हेर्दा कुनै पनि समय आफूहरु कडा पाइला चाल्न बाध्य हुनुपर्ने सम्भावना समेत रहेको बताए । संघले आफनो सबै शाखालाइ विगत झै डा.केसीले उठाएको जायज मागहरुलाई पूर्ण रुपमा सहयोग र समर्थन गर्दै निर्णायक तहमा पुर्‍याउन समेत अपिल गरेको छ ।

प्रकाशित : असार १६, २०७५ १७:२०
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

मलेसियामा धमाधम पक्राउ पर्न थाले गैरकानुनी कामदार

कान्तिपुर संवाददाता

क्वालालम्पुर — मलेसियाले गैरकानुनी आप्रवासी कामदारहरुको देशव्यापी धरपकड र खोजी अभियान सञ्चालन गर्ने भएको छ । वैधानिक प्रक्रियामा ल्याउन सञ्चालन गरिएको ‘पुन: भर्ना एवं दर्ता कार्यक्रम’ को समयावधि शनिबार सकिएलगत्तै गैरकानुनी कामदारहरुविरुद्ध आइतबारदेखि देशव्यापी धरपकड अभियान सञ्चालन गर्ने जनाएको छ ।

दोषी आप्रवासी कामदार र रोजगारदाता दुवैलाई कडा कारबाही हुने जनाइएको छ । उसले रोजगारदाता र रोजगारीबारे विवरणसहित वैधानिक प्रक्रियामा दर्ता हुन सन् २०१६ फेब्रुअरी १५ देखि भनेको थियो ।

'गैरकानुनी आप्रवासीहरुको संख्या कति छ भन्ने हामीलाई थाहा छैन । तर कानुनको परिपालना गर्दै गैरकानुनी आप्रवासीको खोजी गर्छौं' अध्यागमन विभागका महानिर्देशक मुस्ताफिर अलिको भनाइ उद्धृत गर्दै स्थानीय न्युज पोर्टल ‘बरिता हरियान अनलाइन’ ले लेखेको छ, 'उनीहरु दोषी देखिएमा अधिकतम ५० हजार रिंगिट जरिवाना र ५ वर्षसम्मको जेलसजाय वा दुवै सजाय वा ६ कोर्रासम्मको सजाय पनि हुनसक्छ ।'

यद्यपि गैरकानुनी कामदार स्वदेश फर्कन भने मलेसियाले आगामी अगस्टसम्मको समयावधि यसअघि नै तोकिसकेको छ । नेपाली दूतावासले पनि गैरकानुनी नेपालीहरुलाई उक्त अवधिभित्रै स्वदेश फिर्न आग्रह गर्दै आएको छ ।

मलेसियाली अध्यागमन विभागले सार्वजनिक गरेको तथ्यांकअनुसार धरपकड अभियान सुरु हुनु अगावै पनि कामदारहरु पक्राउ पर्दै आएका छन् । त्यस्ता कामदारविरुद्ध केही दिनयता भएका कारबाही अभियानमा ३० जनाभन्दा बढी नेपालीसहित आप्रवासी कामदारहरु पक्राउ परिसकेका खबरहरु सार्वजनिक भएका छन् ।

मलेसियाली समाचार संस्था ‘बर्नामा’ का अनुसार भिसा दुरुपयोग गरेको आरोपमा गत सोमबार ईपो पेराकको एकै कम्पनीमा कार्यरत २८ नेपालीसहित ९० आप्रवासी कामदार पक्राउ परेका छन् । कृषि कामदारको भिसामा रहेका उनीहरुलाई रोजगारदाता कम्पनीले निर्माण तथा उत्पादन क्षेत्रमा काम लगाएको थियो ।

धरपकड अभियानमा अध्यागमन विभाग, प्रहरी, स्थानीय काउन्सिललगायत सम्बद्ध अधिकारी समेत सहभागी हुने गरेका छन् । समाचारहरुअनुसार यस्तो अभियानको संयोजन अध्यागमन विभागका अधिकारीहरुले गर्नेछन् । गैरकाननुनी विदेशी कामदारको बढी जमघट हुनसक्ने स्थानहरु, कम्पनी एवं औद्योगिक क्षेत्रहरु तुलनात्मक रुपमा धरपकडको बढी निशानामा छन् ।

पक्राउ गरिएपछि त्यस्ता गैरकानुनी विदेशी कामदारलाई रहेका सम्बन्धित विदेशी कूटनीतिक नियोगहरुसित सहकार्य गरेर छिट्टै नै उनीहरुका देश फिर्ता पठाउने मलेसियाको तयारी छ । गैरकानुनी नेपाली पक्राउ परेपछि घर फिर्ता पठाउँदा दूतावासले नि:शुल्क यात्रा अनुमतिपत्र उपलब्ध गराउने गरेको छ । तर, घरफिर्ती टिकट भने कामदार स्वयंले व्यवस्था गर्नुपर्नेछ ।

मलेसिया नेपालीका लागि वैदेशिक रोजगारीको प्रमुख गन्तव्य हो । मलेसियालाई श्रमिक दिने स्रोत मुलुकमध्ये नेपाल इन्डोनेसियापछि दोस्रोमा पर्दछ । ५ लाखभन्दा बढी नेपाली विभिन्न रोजगारी क्षेत्रमा कार्यरत छन् । कुनै ठोस तथ्यांक नभए पनि अझैं कयौं हजारको संख्यामा नेपालीहरु अवैधानिक रहेका हुनसक्ने अनुमान गरिएको छ ।

मलेसियाले यसअघि सन् २०११ अक्टोबरदेखि नै आममाफी, वैधानिकता, घरफिर्तीलगायत विभिन्न शीर्षकमा अवसरयुक्त कार्यक्रम सञ्चालन गर्दै आएको थियो ।

प्रकाशित : असार १६, २०७५ १६:५८
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT