सधैँ तन्नेरी देखिन दिनहुँ निद्रा आवश्यक

कान्तिपुर संवाददाता

काठमाडौँ — दिनहुँ सात घण्टा मस्तले सुत्ने गरे मुटु जहिल्यै तन्दुरुस्त हुन्छ । यसो भएपछि मुटुसम्बन्धी रोगको जोखिम पनि घट्दै जान्छ ।

तस्बिर साैजन्य : मिरर डट काे डट युके

‘स्लिप’ जर्नलमा प्रकाशित यो अनुसन्धानमा ३० देखि ७४ वर्षसम्मका १२ हजार ७ सय ७५ जनाको स्वास्थ्य तथ्यांक विश्लेषण गरिएको थियो ।

उक्त अनुसन्धानअनुसार, राति ७ घण्टा मजाले निदाउने व्यक्तिमा मुटु बूढो हुने दर सबैभन्दा कम पाइएको छ । ७ घण्टाभन्दा कम वा बढी सुत्ने अभ्यासको सम्बन्ध मुटु स्वास्थ्यसँग जोडिएको छ । अर्कातिर, कम निदाउने व्यक्तिहरूको मुटु गल्दै गएको पाइएको छ ।

Yamaha

राम्रो निद्राका थुप्रै फाइदा छन् । यो कुरा थुप्रै वैज्ञानिक अनुसन्धानले प्रमाणित भइसकेको छ । राम्रो निद्रा लिनाले बढी स्वस्थ र सुन्दर हुन सकिन्छ । गहिरो निद्रामा सुत्ने व्यक्तिहरूले दिनभरि फ्रेस अनुभव गर्छन् । उनीहरूको मन प्रशन्न रहनुका साथै थुप्रै रोगव्याधिबाट टाढासमेत हुने गर्छन् । यस्ता व्यक्तिको शरीरमा स्फूर्ति कायम हुन्छ, ती हरेक काम गर्न अघि सर्ने गर्छन् ।

Esewa Pasal

प्रकाशित : भाद्र २, २०७५ ०८:२९
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

बालबालिका र भिटामिन ‘डी’

कान्तिपुर संवाददाता

काठमाडौँ — भिटामिन ‘डी’ को पर्याप्त खुराकसँगै दूधको पर्याप्त मात्रा र कसरतजस्ता शारीरिक गतिविधिले बालबालिकामा भिटामिन डीको मात्रा बढ्छ ।

यो अध्ययन ‘ब्रिटिस जर्नल अफ न्युट्रिसन’ मा प्रकाशित भएको छ, जसअनुसार हाडको बलियो होस् भन्न भिटामिन ‘डी’ को उच्च स्तर हुन आवश्यक छ । यसले धेरैजसो पुरानो रोगको जोखिमसमेत घटाउँछ ।

अध्ययनअन्तर्गत जोजो बालबालिकाको रगतको नमुना गर्मी याममा लिइएको थियो, उनिहरूमा भिटामिन ‘डी’ को स्तर सबैभन्दा बढी पाइयो । जाडो याममा भने यसको स्तर कम पाइयो । यो अनुसन्धानमा ८० प्रतिशत बालबालिकामा भिटामिन ‘डी’ को स्तर कम पाइयो ।

भिटामिन ‘डी’ को स्तर बढाउन अध्ययनकर्ताहरूले दिनहुँ अढाइ गिलास दूध खान सिफारिस गरेका छन् । साथै सातामा दुईदेखि तीन पटकसम्म माछा पनि खानुपर्छ । वनस्पति तेल खाँदा पनि फाइदा हुन्छ, किनभने यसमा भिटामिन ‘डी’ हुन्छ । बालबालिकालाई शारीरिक गतिविधि र खेलकुदमा भाग लिन हौस्याउनुपर्छ ।

प्रकाशित : भाद्र २, २०७५ ०८:२७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT