शारिरिक समस्या भएका बालबालिकालाई आत्मनिर्भर बनाउन फिजियोथेरापी

सन्दर्भ : विश्व फिजियोथेरापी दिवस
समिद कतिला श्रेष्ठ

काठमाडौँ — फिजियोथेरापी उपचारले विगतको एक दशकमा उल्लेखनीय सफलता हासिल गरेको छ । केही वर्ष अगाडि सिमित हस्पिटलमा मात्र उपलब्ध रहेको यो सेवा हाल विभिन्न हस्पिटल, पूनर्स्थापना केन्द्र, संस्था, क्लिनिक आदीमा प्राप्त गर्न सकिन्छ । 

विगतमाभन्दा बिरामीहरुको चाप पनि निकै बढेको फिजियोथेरपिस्टहरु बताउँछन्। हाड-जोर्नी, नसा, प्रसुती तथा अन्य धेरै विधाका विषेशज्ञ डाक्टरहरुले पनि बिरामीहरुलाई फिजियोथेरापीको महत्त्व सम्झाएर फिजियोथेरापीमा रेफर गर्ने गरेका छन्।

Yamaha

बद्लिँदै गरेको उपचार पद्धितामा फिजियोथेरापीको भूमिका पनि प्रमुख रहेको छ। प्रायजसो फिजियोथेरापी भन्ने बितिकै हाड खिईएको, नसा च्यापिएको, दुखाई जस्तो लक्षण भएका रोगहरुको लागि भन्ने बुझिए पनि यो उपचार धेरै विधामा उपयोग हुन्छ। जसमध्ये बाल फिजियोथेरापी पनि एक हो।

बाल फिजियोथेरापीमा धेरै जसो जन्मजात समस्या भएका रोगहरु हुन्छन्। कति समस्याहरु बालक आमाको पेटमै हुँदा हुन्छ भने कति समस्या जन्मँदै गर्दा वा जन्मिसके पछि पनि हुने गर्छ। समस्याहरु विभिन्न खाले हुन्छन्। केहि ठीक हुने खाले हुन्छ त केहि समस्या पछिसम्म असर गर्नसक्ने खाले पनि हुन्छन्। पछि सम्म रहीरहने वा शाररिक असक्तता भएका बालकहरुको पनि उपचार गर्नुपर्ने हुन्छ।

मस्तिस्क पक्षघात (सेरीब्रल पाल्सी), मस्कुलर डिस्ट्रिफी आदी रोगहरु भएका बल-बालिकामा शारिरिक समस्या धेरै हुन्छन्। यस्तोमा राम्रोसँग फिजियोथेरापी गरे उनीहरुलाई आत्मनिर्भर बनाउन सकिन्छ।

फिजियोथेरापी उपचार को मुख्य उदेश्य भनेकै आत्मनिर्भर बनाउनु हो। कसरी समस्या भएका बाल-बालिकालाई आफ्नो दैनिक कार्यहरु गर्न लगाउने, उनीहरुको जीवन कसरी सरल बनाउने र पछि हुनसक्ने समस्याहरुबाट कसरी बच्ने भने जस्ता कुराहरुमा विशेष ध्यान दिईन्छ।

तर ठुला मान्छेहरुलाई जस्तो फिजियोथेरापी गराउन भने सजिलो हुँदैन साना बालकहरुलाई। दिन-दिनै उस्तै ब्याम गराउँदा उनीहरु झर्को मान्छन्, अल्छि गर्छन्। केहि साना बालकहरु त फिजियोथेरापी गर्ने कोठामा पस्ने बितिकै रुन सुरु गर्छन्। त्यसैले उनीहरुलाई ब्यायाम गराउँदा, उपचार गर्दा खेलाउँदै गर्नुपर्छ। समय दिएर बिस्तारै गर्नुपर्छ। उनीहरुलाई के खेल्न मन लाग्छ, के सुन्न मन लाग्छ, के हेर्न मान लाग्छ सबै फिजियोथेरपिस्टले बुझेर अनि मात्र उसको उपचार सुरु गर्नुपर्छ।

प्राय जसो बालकहरुको फिजियोथेरापी उपचार निकै समय लाग्ने हुँदा पछि घुलमिल हुन सजिलो हुन्छ। ठुला मान्छेहरुलाई झैँ १, २, ३ गन्दै ब्यायाम गराउँदा उनीहरु झर्को मान्ने र नगर्ने हुँदा उनीहरुलाई सम्पूर्ण ब्यायाम खेलमा वा अन्य कुनै मनोरंजन गर्ने तरिकाले बदल्नु फिजियोथेरपिस्टको खुबी हो।

त्यसैले फिजियोथेरापी मा गरिने उपचारलाई खेलको मध्यमबाट गरिए 'प्ले थेरापी' भनिन्छ भने 'म्युजिक थेरापी'मा संगीतको प्रयोग हुन्छ। बिशेषगरी बाल-बालिकाको फिजियोथेरापी गर्दा उनीहरुले हामीले भनेजस्तो गर्ने भन्दा पनि कसरी उनीहरुलाई खेलाउँदै त्यही ब्यायामहरु गराउने भन्ने कुरामा विचार पुराउन जरुरी हुन्छ।

श्रेष्ठ वि.पि नेत्र प्रतिष्ठान, लोकन्थलीमा बाल फिजियोथेरपिस्टविशेषज्ञका रुपमा कार्यरत छन्। उनी नेपाल फिजियोथेरापी संघका महासचिव पनि हुन्।

Esewa Pasal

प्रकाशित : भाद्र २४, २०७५ १९:०७
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

साफ च्याम्पियनसिपः भारत र माल्दिभ्स सेमिफाइनलमा

कान्तिपुर संवाददाता

बंगलादेश — साफ च्याम्पियनसिप २०१८ अन्तर्गत आइतबार समूह 'बी' को लिग चरणको अन्तिम खेलमा भारतले माल्दिभ्सलाई २-० ले हराएको छ । भारतले खेलको ३६ र ४४ औं मिनेटमा गोल गर्दै माल्दभ्सलाई २-० ले हरायो । बंगलादेशको ढाकास्थित बंगबन्धु रंगशालामा भएको खेलमा भारतले २ खेलमा दुवै जित निकाल्दै समूह बी को विजेता बन्दै सेमिफाइनलमा प्रवेश गरेको हो । 

यसैगरी माल्दिभ्स र श्रीलंकाबीच अंक बराबरी भएपछि टस गरेर उपविजेता छनौट गरिएको थियो । टस जित्दै माल्दिभ्स सेमिफाइनलमा प्रवेश गरेको हो ।

अब नेपालले बुधबार हुने पहिलो सेमिफाइनलमा माल्दिभ्सको सामना गर्ने छ भने भारतले पाकिस्तानसाग प्रतिस्पर्धा गर्ने छ ।

प्रकाशित : भाद्र २४, २०७५ १८:५३
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT