५० वर्षको उमेरपछि महिलामा छिटो बुढ्यौली

पुरुषको दाँजोमा महिलाको अनुहारमा बुढ्यौली छिटो किन देखिन्छ भन्ने कुरा जान्न यो अनुसन्धान भियना युनिभर्सिटिमा गरिएको हो ।

अनुहारमा आउने उमेरको प्रभावबारे अनुसन्धानकर्ताहरूले २६ देखि ९० वर्षका ८८ महिला र पुरुषलाइ अनुसन्धानमा सामेल गरेका थिए । कम्प्युटरको सहयोगले उनिहरूको अनुहारको छ सय भिन्दाभिन्दै खण्डको विश्लेषण गरियो ।

५० वर्ष नाघेपछि महिलाको महिनावारी सुक्छ । यो समय शरीरमा यौन हार्मोन इस्ट्रोजेन कम हुने कारण अनुहारमा च्याउरीपना आउन थाल्छ । उमेरको असर तीव्र गतिले देखिन थाल्छ । अनुहारमा बोसो घट्छ । उसो त हरेक महिलामा महिनावारी सुक्ने उमेरमा फरक पनि पर्न सक्छ ।

अनुसन्धान अनुसार महिलाहरूमा उमेरको प्रभाव ५० वर्षमा तीव्र गतिले हुन थाल्छ तर ६० वर्षको आयुपछि उमेरको प्रभाव पुनः कम गतिमा देखिन्छ । विस्तारै चिउडोको छेउछाउको छाला खुम्चिन सुरु हुन्छ । उमेरको प्रभाव प्रोटिन कोलोजनमा असर पार्छ, जसले छालालाई लचिलो बनाइदिन्छ ।