काठमाडौं — इन्स्टाग्रामले स्टोरी फिचर आफ्नो प्रतिस्पर्धी स्न्यापच्याटबाट कपी गरेको थियो । तर, इन्स्टाग्रामको स्टोरी फिचर प्रयोग गर्नेको संख्या स्न्यापच्याटको भन्दा धेरै भएको छ । यो फिचर लोकप्रिय भएपछि इन्स्टाग्रामले मोबाइलमा मात्रै उपलब्ध यो फिचर वेबमा पनि ल्याउने भएको छ ।
यस्ता खालका फिचरले फेसबुक, स्काइपदेखि अन्य एपमा समेत स्थान पाइसकेका छन् । इन्स्टाग्रामले सुरुमा स्टोरी फिचर वेबमा हेर्न मात्रै मिल्ने र केही समय लगत्तै वेबमा पनि स्टोरीमा फोटो अपलोड गर्न मिल्ने सुविधा सुरु गर्न लागेको हो ।
इन्स्टाग्रामको स्टोरी फिचर दैनिक २ सय ५० मिलियन प्रयोगकर्ताले प्रयोग गर्छन् । फेसबुकले सुरु गरेको यस्तै खालको फिचर स्टोरी र म्यासेन्जर डे पनि प्रयोगकर्तामाझ लोकप्रिय छ ।
प्रकाशित : भाद्र २३, २०७४ ११:२८
प्रतिक्रिया