सुरक्षित ‘स्टोरिज’
काठमाडौँ — इन्स्टाग्रामको स्टोरिज फिचर २४ घण्टापछि स्वत: डिलिट हुने गर्छ । आफूले राखेको फोटो तथा भिडियो लामो समयसम्म नबस्ने र कसैले डाउनलोडसमेत गर्न नमिल्ने भएकाले प्रयोगकर्ताले यसलाई सुरक्षित मान्छन् किनकि भविष्यमा कुनै फोटो वा भिडियो राखेकै कारण झन्झट व्यहोर्नु पर्दैन ।
तैपनि कसैले चाहेको खण्डमा मोबाइल स्क्रिन सट गरी यस्ता स्टोरिज सुरक्षित राख्ने सम्भावना भने कायमै थियो ।
यही कमजोरीबाट स्टोरिजलाई बचाउन इन्स्टाग्रामले नयाँ फिचर चाँडै सुरु गर्ने भएको छ । यसका लागि कसैले स्टोरिजको स्क्रिन सट गरे त्यसको जानकारी दिने फिचर इन्स्टाग्रामले सुरु गर्ने भएको छ । कम्पनीले चाँडै यो फिचर सबै प्रयोगकर्ताका लागि खुला गर्ने जानकारी दिएको छ ।
प्रतिक्रिया
