बिग फाल्कन रकेट अर्को वर्ष

यसका मालिक मस्कले यसको खुलासा गरेका हुन् । यसले एक सय ५० टनको कार्गो बोकेर मंगल ग्रहसम्म पुग्न सक्छ । बिग फाल्कन रकेटको विशेषता भनेको रकेट उडाउन प्रयोग गरिने अन्य रकेट पुन: फर्किएको पृथ्वीमा आउन सक्छन् । जम्मा एक सय ६ मिटरको रकेट हवाईजहाजको विकल्पका रूपमा पनि प्रयोग गर्न सकिने कम्पनीको दाबी छ । मंगल ग्रहमा मानव पठाउने योजनासहित स्पेसएक्सले बिग फाल्कन रकेट बनाएको हो ।

सुरुवाती केही पटक सामान मात्र पठाएर मानिस पठाउने कम्पनीको योजना छ । सन् २०२२ सम्ममा मानवलाई रकेटमार्फत मंगल ग्रह लैजाने कम्पनीले जनाएको छ । केही साताअघि मात्रै स्पेसएक्सले एउटा कारसहित फाल्कनहेभी रकेटलाई मंगल ग्रहमा पठाउन सफलतापूर्वक प्रक्षेपण गरेको छ । फाल्कन हेभी मंगल ग्रहमा पुग्न अझै केही महिना लाग्नेछ ।