काठमाडौँ — अहिलेको फोन बजारको प्रतिस्पर्धामा लेनोभो त्यति ठूलो खेलाडी होइन । तर, लेनोभोले अहिले एउटा नयाँ प्रयोग गर्न खोजेको छ । एप्पल र सामसुङजस्ता मोबाइल बजारका ठूला खेलाडीले समेत बेजललेस भनेर फोन निर्माण गरिरहेका छन् तर उनीहरूको फोनमा स्क्रिन ठूलो भए पनि छेउमा स्क्रिनबाहेकको बडीको भाग पक्कै देखिन्छ ।
लेनोभोले सार्वजनिक गर्न लागेको आफ्नो नयाँ स्मार्टफोन जेडफाइभ भने अहिले चल्तीमा रहेको हाइएन्ड स्मार्टफोभन्दा केही फरक देखिनेछ, डिजाइनको हिसाबले ।
लेनोभोका उपाध्यक्षले चिनियाँ सोसल मिडिया साइट वेबोमार्फत सार्वजनिक गरेको एक भिडियोमा भने उसको नयाँ फोनको अघिल्लो भाग पूरै सिसाको देखिन्छ । यसको तल यूएसबी पोर्ट त छ तर छेउका भाग अन्य स्मार्टफोनभन्दा केही भिन्न छ । यसलाई बेजललेसभन्दा पनि अल स्क्रिन फोन भन्न मिल्ला । उसको यही विशेषताले बजारमा उसको भाग्य निर्धारण भने गर्ने छैन ।