युट्युबमा म्यासेज फिचर

हेलो टेक
कान्तिपुर संवाददाता

काठमाडौँ — युट्युबले केही अघिदेखि आफ्नो मोबाइल एपमा म्यासेजिङ फिचर सुरु गरेको थियो । जसका कारण प्रयोगकर्ताले आफ्नो जिमेल लिस्टमा भएका साथीहरूसँग च्याट गर्दै भिडियो हेर्न पाउने सुविधा थियो ।

साथै, सोही च्याटमार्फत भिडियोहरू आदानप्रदान गर्ने सुविधा पनि थियो । अहिले भने युट्युबले यो सुविधालाई ब्राउजरमा पनि उपलब्ध गराएको छ । ब्राउजरमा जिमेल एकाउन्ट लगइन गरी युट्युब खोल्दा माथिल्लो दायाँ भागमा म्यासेज गर्ने अप्सन देख्न सकिन्छ ।
यो अप्सनले प्रयोगकर्ता युट्युब भिडियो हेर्दै च्याट गर्न र भिडियो आदानप्रदान गर्न सक्छन् । कुनै युट्युब भिडियोको तल सेयर बटनमा क्लिक गर्दा पनि यो च्याटमा भिडियो सेयर गर्ने विकल्प देख्न सकिन्छ ।

Yamaha

Esewa Pasal

प्रकाशित : जेष्ठ १८, २०७५ ११:०९
ADVERTISEMENT
प्रतिक्रिया
पठाउनुहोस्

इन्स्टाग्राममा म्युट फिचर

हेलो टेक
कान्तिपुर संवाददाता

काठमाडौँ — फोटो सेयरिङ एप इन्स्टाग्रामले नयाँ फिचरको घोषणा गरेको छ जसले प्रयोगकर्तालाई आफूलाई पोस्ट हेर्न मन नपर्ने अर्को प्रयोगकर्ताको एकाउन्ट म्युट गर्ने सुविधा दिन्छ ।

यसले अर्को प्रयोगकर्ताको स्टोरिज मात्र वा पूरा प्रोफाइल म्युट गर्ने सुविधा दिने इन्स्टाग्रामले जनाएको छ । इन्स्टाग्रामले स्टोरिज म्युट गर्ने सुविधा भने पहिल्यैदेखि उपलब्ध गराइरहेको थियो । प्रोफाइल म्युट गर्ने सुविधा भने थिएन ।


कसैको प्रोफाइल वा स्टोरिज म्युट गर्दा सम्बन्धित व्यक्तिलाई जानकारी नहुने र उक्त व्यक्तिको प्रोफाइलमा गएर पोस्टहरू हेर्न मिल्ने सुविधा रहनेछ । साथै, आफूले म्युट गरेको प्रयोगकर्ताले आफूलाई ट्याग गर्दा त्यसको नोटिफिकेसन प्राप्त हुनेछ । यो सातादेखि सबै प्रयोगकर्तालाई यसको अपडेट पठाइने इन्स्टाग्रामले आफ्नो ब्लगमा उल्लेख गरेको छ ।

प्रकाशित : जेष्ठ १८, २०७५ ११:०९
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT