यतिबेला मिलन चाम्स निर्देशित फिल्म बोबी राम्रै दर्शकको साथ पाएर चलिरहेको छ । यसमा एउटा भुइँमान्छे जोडीको कथा समेटिएको छ । आम रूपमा नचिनिएका उमेश थापा र कविता गुरुङको प्रेम, विवाह र संघर्ष समेटिएको बोबीलाई निर्देशक चाम्स बायोपिक भन्न रुचाउँछन् । त्यसो त केही अघि उनै चाम्सले दृष्टिविहीन सृष्टि केसीको जीवनीलाई नै उतारेर बनाएको ब्लाइन्ड रक्स पनि आएको थियो । त्यो फिल्म भने खासै चलेन ।
मोबाइल म्यासेजिङ एपले गलत जानकारीहरू छिटोछिटो फैलिने समस्या रोक्न भारतका लागि मात्रै नयाँ फिचर सार्वजनिक गरेको छ । भारतमा ह्वाट्सएपमार्फत गलत जानकारीहरू सेयर हुने र यसले मानिसको ज्यानै लिनेसम्मका घटनाहरू दोहोरिन थालेपछि कम्पनीले म्यासेज फरवार्ड गर्ने सुविधालाई सीमित पार्न खोजेको हो ।
गुगलको सहायक कम्पनी लुनले केही वर्षयता बेलुनमार्फत इन्टरनेट प्रवाहका लागि परीक्षण गरिरहेको थियो । अब भने केन्यामा बेलुनमार्फत व्यावसायिक रूपमा इन्टरनेट वितरण गरिने गुगलले जनाएको छ । गुगलका अनुसार यसको सहायक कम्पनी लुनले टेलकम केन्यासँगको सहकार्यमा दुर्गम क्षेत्रमा इन्टरनेट वितरण गर्नेछ ।
फेसबुकको म्यासेन्जरमा को अनलाइन छन् भन्ने थाहा पाउने छेउमा देखाइने ग्रिन सिग्नल हेरे पुग्छ । अब फेसबुक स्वामित्वको इन्स्टाग्रामले पनि यही फिचर सुरु गर्ने भएको छ । केही समयमा नै प्रयोगकर्ताले इन्स्टाग्राममा को एक्टिभ छ, छैन भनेर यसैगरी थाहा पाउन सक्नेछन् ।
यसैपालि कक्षा १२ को परीक्षा दिएकी सिन्धुपाल्चोककी प्रतीक्षा तामाङ कपाल काट्ने काममा व्यस्त हुन थालेकी छन् । ‘बिहान कलेज जान्थें, दिउँसो पार्लर सिक्थें,’ अचेल दाह्री र कपाल काट्ने तालिम लिइरहेकी १८ वर्षीया उनले भनिन्, ‘अहिले तालिम लिँदै गोल्फुटारमा बिहान–बेलुका काम पनि गरिरहेकी छु ।’
स्मार्टफोन कम्पनीहरुलाई एन्ड्रोइड नि:शुल्क प्रयोग गर्न दिएर आफ्नो एपलाई पहिलो रोजाइमा राख्न लगाएको भन्दै ईयूले गत साता गुगललाई ५ अर्ब १० करोड डलर जरिवाना गर्ने निर्णय गर्यो । एन्ड्रोइडको पछिल्लो भर्सन ओरियो प्रयोग गर्नेको संख्या पनि कुल प्रयोगकर्ताको करिब ५ प्रतिशत हाराहारीमा मात्रै छ ।
पउल म्याकाट्र्नीको एउटा निकै राम्रो बानी के हो भने उनी नयाँ पुस्ताको संगीतलाई नराम्रो मान्दैनन्, गाली गर्ने त परको कुरा । उनका समकालीन पुस्ता अहिलेको संगीत भनेपछि नाक खुम्च्याउने खालका छन् । उनीहरूलाई लाग्छ, ओहो, यो नयाँ पुस्ताले कस्तो पो संगीत बनाइरहेको छ । काम छैन यसको । म्याकाट्र्नी बरू यही सोचलाई काम नलाग्ने भन्छन् । उनी भन्छन्, ‘मैले नयाँ नयाँ गीत सुन्न छाडेको छैन ।’
होस्टेलमा बसेर सात कक्षा पढ्दै गरेकी साम्राज्ञी राज्यलक्ष्मी शाहलाई एक दिन आमाले नेपाली फिल्म हेर्न जाऊ भनिन् । आमाले अंग्रेजी, कोरियन फिल्मकी फ्यान साम्राज्ञीले नाक खुम्च्याएको चाल पाएपछि फिल्म राम्रो भएको भन्दै बल गरेरै लगिन् । फिल्म थियो आर्यन सिग्देलको डेब्यु मेरो एउटा साथी छ । साम्राज्ञीले उक्त फिल्मको सक्कली कोरियन फिल्म यति धेरै हेरेकी थिइन् कि त्यसको सबै कुरा थाहा थियो । तैपनि उनलाई नेपाली पनि मन परेछ ।
विश्वकप च्याम्पियन भएको टिमलाई फ्रान्सेली फुटबलको अर्को एउटा स्वर्णिम टिम मानिएको छ । मिसेल प्लाटिनी र जिनेदिन जिदानको टिमपछि यसलाई एन्टोइन ग्रिजमन पुस्ता मानिएको छ । युवा टिम भएकाले ग्रिजमन पुस्तालाई थप सफलता हात पार्ने अवसर पनि छ । मस्कोबाट राजु घिसिङ लेख्छन् :
बन्न त तीन करोडसम्मका फिल्म बन्न थालेका छन् तर अहिले नेपाली फिल्मको औसत बजेटचाहिँ एक करोड हो । निर्माताहरूका अनुसार प्रि–प्रोडक्सनदेखि रिलिजसम्म आइपुग्दा सालाखाला यति खर्च हुन्छ नै । शुक्रबारबाट ‘चक्कर’ नामक फिल्म प्रदर्शन भएको छ, यसको लगानीचाहिँ जम्माजम्मी १८ लाख रुपैयाँ हो ।
माइक्रोसफ्टले एन्ड्रोइड र आईओएस डिभाइसमा जस्तै विन्डोज टेन प्रयोग हुने कम्प्युटरमा पनि स्वीफ्ट की फिचर सुरु गर्ने भएको छ । छिटो र अटो करेक्टसहितको टाइपका लागि प्रयोगकर्ताले स्वीफ्ट की रुचाउने गरेका छन् ।
माइक्रोसफ्टको स्वामित्व रहेको एप्लिकेसन स्काइपमा नयाँ फिचर आउने भएको छ । माइक्रोसफ्टले अबको केही सातामै आफ्नो एपमा कल रेकर्ड फिचर राख्ने भएको हो । यो सेवा क्लाउड बेस हुने भएकाले रेकर्ड गरिएको कल जुनसुकै डिभाइसबाट पनि पहुँच गर्न सकिने कम्पनीले जनाएको छ ।
फोटोसप निर्माण कम्पनी एडोभ सिस्टमले आफ्नो सेवालाई आइप्याडमा पनि उपलब्ध गराउने भएको छ । कम्पनीले यही अक्टोबरमा आइप्याडमा उपलब्ध हुने फोटोसप सार्वजनिक गर्ने तयारी गरेको प्रकाशित समाचारहरूमा जनाइएको छ । आगामी वर्षदेखि मात्रै फोटोसप आइप्याडमा उपलब्ध हुनेछ ।
व्यावसायिक सीप र तालिममा सरकारी क्षेत्रबाट मात्रै वार्षिक १० अर्ब रुपैयाँभन्दा बढी खर्च हुन्छ । दाताको ऋण र अनुदानमा समेत सरकारले तालिम प्रदान गर्ने विभिन्न प्रोजेक्ट सञ्चालन गरिरहेका छन् । यी प्रोजेक्ट म्यानेजर भने आफ्नो योग्यता र क्षमताभन्दा पनि भनसुनको आधारमा नियुक्ति भइरहेका छन् । यस्ता संस्थाको नेतृत्व प्रशासनिक व्यक्तिले गरिरहेका छन् ।
ई–स्पोर्ट्स अर्थात् इलेक्ट्रोनिक स्पोर्ट्स । विद्युतीय माध्यममा खेलिने खेलकुद गतिविधिले विश्वभर द्रुत गतिमा प्रभाव जमाइरहँदा नेपाल पनि अछुतो छैन । तर नेपालले विश्व बजारमा आफूलाई प्रतिस्पर्धामा उतार्न भने धेरै मिहिनेत गर्नुपर्ने अवस्था छ । विश्वका ठूला राष्ट्रको कुल गार्हस्थ उत्पादनमै स्थान बनाइसकेको ई–स्पोर्ट्स नेपालमा भने मनोरञ्जनको माध्यम बन्नलाई संघर्ष गरिरहेको वर्तमान परिस्थिति छ ।
पछिल्लो समय जियोलोजी लिएर पढ्ने विद्यार्थीको संख्या बढ्दो छ । त्यसमा पनि भूकम्पपछि जियोलोजी सबैको चासोको विषय बन्न पुग्यो । यही विषयको अध्ययन र काम गरिरहेकाहरुको अनुभव :