काठमाडौँ — छोटो भिडियो सेयर गर्ने एप म्युजिकल्ली टिकटकले किनेको छ । बिक्रीसँगै म्युजिकल्ली टिकटक नाममा रूपान्तरित भएको छ । यसका प्रयोगकर्ताले टिकटक नाममा यसको अपडेट पाइसकेका छन् । म्युजिकल्लीको लोगोसमेत अपडेट भइसकेको छ । टिकटक म्युजिकल्ली जस्तै सेवा दिने कम्पनी हो । म्युजिकल्लीका प्रयोगकर्ता पनि स्वत: टिकटकका प्रयोगकर्ता बनेका छन् ।
म्युजिकल्ली २०१४ को अगस्टमा सार्वजनिक भएको हो । यसले प्रयोगकर्तालाई १५ सेकेन्डदेखि एक मिनेटसम्मको भिडियो बनाउने र त्यसमा विभिन्न संगीत, साउन्ड ट्रयाक हाल्ने सुविधा दिँदै आएको छ । यो नेपालमा पनि लोकप्रिय छ । टिकटक भने २०१६ मा सार्वजनिक भएको हो । पछिल्लो समय टिकटक विश्वव्यापी रूपमा धेरै डाउनलोड हुने एपमा पर्छ ।
प्रतिक्रिया
