युट्युबमा टाइम वाच्ड

हेलो टेक
कान्तिपुर संवाददाता

काठमाडौँ — युट्युबले आफ्नो एपमा प्रयोगकर्ताका लागि नयाँ फिचर सुरु गरेको छ । अब प्रयोगकर्ताले आफूले कति समय युट्युब हेरेर समय बिताएँ भनेर थाहा पाउन सक्नेछन् । यसलाई ‘टाइम वाच्ड’ नाम दिइएको छ ।

एपको दायाँपट्टि माथिल्लो भागमा आफ्नो प्रोफाइल आइकनमा क्लिक गरी प्रयोगकर्ताले आफूले कति समय युट्युबमा भिडियो हेरेर बिताए भन्ने थाहा पाउन सक्नेछन् । आफ्नो प्रोफाइल आइकनमा क्लिक गरेपछि प्रयोगकर्ताले टाइम वाच्ड अप्सन देख्न सक्छन् । त्यहाँ आज, हिजो र गत हप्ता आफूले कति समय भिडियो हेरेर बिताएँ भन्ने तथ्यांक देख्न सकिन्छ ।


साथै, यसमा निश्चित समयपछि भिडियो हेर्नका लागि रोक्ने गरी टाइमर सेट गर्ने सुविधा पनि हुनेछ । जसमा प्रयोगकर्ताले आफूले चाहेको समय राख्न सक्छन् । उक्त अवधि सकिएपछि एपले त्यसबारे जानकारी प्रयोगकर्तालाई गराउनेछ ।

Yamaha

Esewa Pasal

प्रकाशित : भाद्र १५, २०७५ १०:३३
प्रतिक्रिया
पठाउनुहोस्
ADVERTISEMENT

चासो नयाँ परिकारमा

जति चिनियाँ परिकार उपलब्ध छन्, हाम्रो रेस्टुराँमा, ती कतै लामो समयदेखि एकैखाले त भएनन् ? कहीं कतै जाँदा खालि दोहोरिएर मात्र ती परिकार पस्कने मात्र त भएको छैन ?
हिमेश

काठमाडौँ — चिनियाँ परिकार विश्वमै लोकप्रिय छन् । हामी मात्र किन अपवाद हुन सक्छौं र ? हाम्रोमा पनि उत्तिकै लोकप्रिय छन्, चिनियाँ परिकार । यसमै मात्र केन्द्रित रहेर खुलेका रेस्टुरेन्ट धेरै छन् । यसमध्ये केहीले दाबी गर्छन्, हामी आधिकारिक चिनियाँ परिकार पस्कने गर्छौं । धेरैले यस्तो गर्न सक्दैनन् ।

केहीले के पनि दाबी गर्छन् भने हामी केही परिवर्तन गरिएका चिनियाँ परिकार प्रस्तुत गर्छौं । धेरैले यसका लागि ‘फ्युजन’ शब्द प्रयोग गर्ने गरेका छन् ।


यो त प्रवृत्ति भए, एउटा तथ्य के निश्चित छ भने हाम्रोमा पनि खुबै लोकप्रिय छन्, चिनियाँ विशिष्ट परिकार । अब अर्को प्रसंग, हाम्रोमा जति चिनियाँ परिकार उपलब्ध छन्, हाम्रो रेस्टुराँमा, ती कतै लामो समयदेखि एकैखाले त भएनन् ? कहीं कतै जाँदा खालि दोहोरिएर मात्र ती परिकार पस्कने मात्र त भएको छैन ? जति रेस्टुराँ छन्, सबैमा खालि एकैखाले परिकार मात्र मेनुमा देखिने प्रवृत्ति त भइरहेको छैन ? ‘हो, यस्तै भइरहेको छ,’ सेफ धन लिम्बू भन्छन् ।


उनी हुन्, सोल्टी होटलको चिनियाँ रेस्टुराँ बाओ स्वानका चिफ सेफ । उनकै अनुभवमा, ‘हाम्रा जति पनि नियमित ग्राहक छन्, ती सबैको एउटै भनाइ रहेका छन्, खाना त सधैं उही मात्र भए, केही नयाँ गरौं न । केही नयाँ परिकार पनि पस्कने काम गरौं न ।’ सेफ धनको अनुभवमा यस्तो त हो पनि । फेरि चिनियाँ परिकारमा कति धेरै विविधता छ भने यसको गणना गरेर पनि साध्य हुन्न । ती सबैलाई हाम्रोमा छ भनेर दाबी गर्ने त परको कुरा ।


तर नेपाली माझ पनि चिनियाँ खानाको नयाँ परिकारमा चासो बढेको छ । धन सोल्टीमा आबद्ध भएको दुई वर्षयता मात्र हो, उनले यसअघि लामो समय भारतमा बिताए अनि अरू विदेशी सहरमा । विदेशतिर पनि चिनियाँ खानाको नयाँ परिकार खोज्ने प्रवृत्ति पाइन्छ । त्यसैले माथिल्लो दर्जाका रेस्टुराँले आफूमा विविधता थप्न प्राय: रुचि नै देखाउने गर्छन् । बाओ स्वानमा केही दिनयता यस्तै प्रयास गरेको छ, ‘स्पाइसी बाइट प्रमोसन’ ले ।


स्पाइसी बाइटभन्दा त्यसको हाम्रोमा भाषा रूपान्तर हुन्छ, मसलादार । अनि यससँगै केही केही पिरो, केही–केही गुलियो स्वाद पनि । धनले लामो मिहिनेतपछि छोटै समयका लागि भने पनि रेस्टुराँको मेनुमा थपेका छन्, ‘चिकेन ड्रम्स अफ हेभन,’ ‘सिचुआन पेपर कर्न क्रिस्पी ल्याम्ब’, ‘प्यान फ्राइड स्पाइसी चिकेन डम्पलिङ’, अनि वक ब्याक्ड जम्बो प्राउन हुनान चिली सस’ आदि आदि । यी त भए, नन–भेज आइटम । यस्तै–यस्तै प्रवृत्तिका शाकाहारी आइटम पनि नरहेको होइन ।


यहाँनिर के पनि उल्लेख गर्नै पर्छ भने हाम्रोमा जति पनि चिनियाँ परिकार उपलब्ध छन्, ती धेरैभन्दा धेरै सिचुआन नै हुन् । यो त विदेशतिरको प्रवृत्ति पनि हो, फेरि सिचुआनले दिने खानाको स्वाद हाम्रो जिब्रोलाई मिल्ने खालको पनि छ ।


भनिन्छ, चिनियाँ परिकारलाई मुख्य रूपमै आठ प्रकारले विभाजन गर्न सकिन्छ । यसलाई अझ थप सहायक प्रकारमा विभाजन गर्न सकिन्छ । यति भण्डार छ, चिनियाँ खानामा । ‘कम्तीमा हामी चिनियाँ खानाको नयाँ–नयाँ परिकार पस्कने प्रयास गर्छौं,’ सोल्टीकी एक्ज्युकेटिभ मार्केटिङ म्यानेजर पूजा शाह भन्छिन् ।

twitter : @himeshratna

प्रकाशित : भाद्र १५, २०७५ १०:३३
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT