टोयोटा र उबरको चालकविहीन कार

हेलो टेक
कान्तिपुर संवाददाता

काठमाडौँ — जापानी कार निर्माता टोयोटाले उबरसँग मिलेर चालकविहीन (सेल्फ ड्राइभिङ) कार निर्माण गर्ने घोषणा गरेको छ । टोयोटाले यसै साता चालकविहीन कार निर्माणका लागि उबरमा ५० करोड डलर लगानी गर्ने पनि जनाएको छ ।

चालकविहीन कारको मोडल टोयोटाको सियना मिनी भ्यानको मोडलजस्तै हुनेछ र यसको परीक्षण सन् २०२१ को सुरुवाती महिनामा ल्याउने लक्ष्य छ । उबरले आफ्नो चालकविहीन कार प्रविधि टोयोटालाई दिने र टोयोटाले कार उत्पादन गर्नेछ । दुवै कम्पनी मिलेर ठूलो परिमाणमा चालकविहीन कार उत्पादन गर्ने सम्झौता गरेका हुन् ।

Yamaha

प्रकाशित : भाद्र १५, २०७५ १०:३३
ADVERTISEMENT
ADVERTISEMENT
प्रतिक्रिया
पठाउनुहोस्

युट्युबमा टाइम वाच्ड

हेलो टेक
कान्तिपुर संवाददाता

काठमाडौँ — युट्युबले आफ्नो एपमा प्रयोगकर्ताका लागि नयाँ फिचर सुरु गरेको छ । अब प्रयोगकर्ताले आफूले कति समय युट्युब हेरेर समय बिताएँ भनेर थाहा पाउन सक्नेछन् । यसलाई ‘टाइम वाच्ड’ नाम दिइएको छ ।

एपको दायाँपट्टि माथिल्लो भागमा आफ्नो प्रोफाइल आइकनमा क्लिक गरी प्रयोगकर्ताले आफूले कति समय युट्युबमा भिडियो हेरेर बिताए भन्ने थाहा पाउन सक्नेछन् । आफ्नो प्रोफाइल आइकनमा क्लिक गरेपछि प्रयोगकर्ताले टाइम वाच्ड अप्सन देख्न सक्छन् । त्यहाँ आज, हिजो र गत हप्ता आफूले कति समय भिडियो हेरेर बिताएँ भन्ने तथ्यांक देख्न सकिन्छ ।


साथै, यसमा निश्चित समयपछि भिडियो हेर्नका लागि रोक्ने गरी टाइमर सेट गर्ने सुविधा पनि हुनेछ । जसमा प्रयोगकर्ताले आफूले चाहेको समय राख्न सक्छन् । उक्त अवधि सकिएपछि एपले त्यसबारे जानकारी प्रयोगकर्तालाई गराउनेछ ।

प्रकाशित : भाद्र १५, २०७५ १०:३३
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT