ओप्पोको फोल्डेबल फोन

कान्तिपुर संवाददाता

काठमाडौँ — सामसङसहितका ठूला फोन उत्पादकहरूले फोल्डेबल (पट्याउन मिल्ने) फोन उत्पादन गर्ने घोषणा गरेपछि आगामी वर्ष यस्तै फोनको चर्चा बढी हुने पक्का छ । सामसङसहित यो दौडमा ओप्पो पनि सामेल भएको छ । क्यामेरा फोनका लागि चर्चित कम्पनीले ओप्पोले आगामी वर्ष हुने मोबाइल वल्र्ड कंग्रेसमा आफ्नो फोल्डेबल फोन सार्वजनिक गर्ने भएको छ ।

स्पेनको बार्सिलोनामा आउँदो फेब्रुअरी अन्तिम साता मोबाइल वल्र्ड कंग्रेस हुँदै छ । हरेक वर्ष यो अवसरमा विश्वभरका मोबाइल निर्माता कम्पनीहरूले आफ्नो नयाँ फोनको घोषणा र सार्वजनिक गर्दै आएका छन् । ओप्पोले दुई किसिमको डिजाइनको लागि प्याटेन्ट दर्ता गरेको जनाइएको छ । एउटा डिजाइन सामसङको फोल्डेबल फोनको जस्तो छ । जुन दुवै स्क्रिनमा हेर्दा ट्याबजस्तो देखिन्छ भने पट्याउँदा बाक्लो मोबाइल जस्तो । अर्को डिजाइन भने तीन स्क्रिनसहितको हुनेछ ।

प्रकाशित : मंसिर २१, २०७५ ०९:००
प्रतिक्रिया
पठाउनुहोस्

जापानमा सुपर एचडी

कान्तिपुर संवाददाता

काठमाडौँ — जापानमा सुपर एचडी एटके फम्र्याटमा टेलिभिजन प्रसारण सुरु भएको छ । एचकेको श्रव्यदृश्य गुणस्तर अहिले चल्तीमा रहेको एचडी (हाई डेफिनेसन) भन्दा १६ गुणा बढी हुने दाबी छ । जापानी टेलिभिजन एनएचकेले यसै साता एउटा फिल्मलाई परीक्षणको रुपमा प्रसारण गरेको छ । 

सन् २००१ मा रिलिज भएको फिल्म अ स्पेस अडेसीलाई एटकेमा रुपान्तरण गरी प्रसारण गरिएको हो । तर, टेलिभिजनले एटके स्वरुपमा श्रव्यदृश्य प्रसारण गरे पनि अहिले निकै थोरै मानिससँग मात्रै यसलाई जस्ताको तस्तै ग्रहण गर्ने टेलिभिजन छ । जापानी टेलिभिजनले यसलाई निरन्तरता दिंदै सन् २०२० मा हुने टोक्यो ओलम्पिकलाई एटके स्वरूपमै प्रत्यक्ष प्रसारण गर्ने लक्ष्य लिएको छ ।

प्रकाशित : मंसिर २१, २०७५ ०८:५९
पूरा पढ्नुहोस्
प्रतिक्रिया
पठाउनुहोस्