एप्पलले माग्यो माफी

हेलो टेक
कान्तिपुर संवाददाता

काठमाडौँ — आफ्नो लोकप्रिय फेसटाइम एपमा समस्या देखिएपछि एप्पलले माफी मागेको छ ।

अडियो र भिडियो कल गर्न मिल्ने एपमा समस्या देखिएपछि कुनै प्रयोगकर्ताले अर्को प्रयोगकर्ताको कल रिसिभ गर्नु अघि नै आवाज र भिडियो देख्ने समस्या भएको थियो ।


यो समस्या अहिले आफ्नो सर्भरमा समाधान भएको र प्रयोगकर्तालाई यसै साता नयाँ अपडेट दिइने एप्पलले जनाएको छ । यही समस्याका कारण गत सोमबार केही बेर फेसटाइमको सेवा बन्द गरिएको थियो । एप्पलले फेसटाइम प्रयोगकर्तालाई यो समस्या समाधानका लागि यसै साता सार्वजनिक हुने अपडेट लिन सुझाव दिएको छ ।

प्रकाशित : माघ २५, २०७५ ११:३६
ADVERTISEMENT
प्रतिक्रिया
पठाउनुहोस्
ADVERTISEMENT

जीमेलमा नयाँ फिचर

हेलो टेक
कान्तिपुर संवाददाता

काठमाडौँ — जीमेलले पछिल्लो समय नयाँ फिचर थप्ने क्रम जारी राखेको छ ।

अघिल्लो वर्ष मात्रै कम्पनीले जिमेलको डिभाइसमा व्यापक परिवर्तन गरेको थियो । अब जिमेलको एन्ड्रोइड एपमा नयाँ फिचर थप्ने भएको छ ।


यो फिचर अनुसार प्रयोगकर्ताले कुनै इमेललाई पिन गरेर सधैं माथि राख्न सक्छन् । यो फिचर ट्वीटर र फेसबुक पेजमा पनि छ जसमा प्रयोगकर्ताले कुनै पोस्टलाई पिन गरेर सबैभन्दा माथि राख्न सक्छन् । जिमेलले एन्ड्रोइड एपमा यो फिचरको परीक्षण गरिरहेको छ । परीक्षणको क्रममा यो फिचर देखेका एक प्रयोगकर्ताले स्क्रिनसट सार्वजनिक गरेपछि नयाँ फिचरबारेको खबर बाहिरिएको हो ।

प्रकाशित : माघ २५, २०७५ ११:३५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT