वान प्लस सेभेनमा फाइभजी
वान प्लसको आगामी संस्करणमा फाइभजी सपोर्ट गर्ने सुविधा हुने भएको छ । साथै, यसमा डिस्प्ले पहिलेभन्दा अत्यधिक सुधार गरिएको हुने कम्पनीको दाबी छ ।
फाइभजी सपोर्ट गर्ने फिचर भए पनि यो वर्ष केही सीमित सहरमा परीक्षण हुने फाइभजी प्रविधि प्रयोगका लागि परिपक्व भइसक्ने छैन ।
अहिले वान प्लसको पछिल्लो मोडल सिक्स टी बजारमा छ । आगामी फोनको नाम भने वान प्लस सेभेन र सेभेन प्रो रहने कम्पनीले जनाएको छ । दुवै फोन यसै वर्ष सार्वजनिक हुनेछ । बजारमा यसले सामसुङको एस टेन, हुवावेको पी थर्टी प्रो र आइफोन एक्सएसजस्ता महँगा फोनहरूसँग प्रतिस्पर्धा गर्नेछ । तर, यसको मूल्य पनि यिनै फोनको हाराहारीमा हुने अनुमान छ । वान प्लसको आगामी फोनमा स्क्रिनमै फिंगरप्रिन्ट सेन्सर र सेल्फी क्यामेरा रहनेछ ।