“भारत” कै भर

सलमान खानको नयाँ फिल्म ‘भारत’ले ‘रेस ३’ बाट गुमेको साख फिर्ता ल्याउला ? उनका फ्यानलाई मात्र होइन, पुरा बलिउडलाई छ, चिन्ता र प्रतिक्षा ।
हेलो शुक्रबार

 बलिउडका तीनै खान सलमान, शाहरुख र आमिरका लागि सुखद रहेन, वर्ष २०१८  । सलमानको ‘रेस ३’ बक्सअफिसमा चुक्यो, आमिरको ‘ठग्स अफ हिन्दोस्तान’  ।

‘जिरो’ ले शाहरुखको फ्लप शृंखलालाई पूर्णविराम लगाउन सकेन । त्यसैले त भनियो, दुई दशकमा पहिलोपटक तीन खानको साम्राज्य एकैसाथ संकटमा पर्‍यो । आमिर र शाहरुखको अब कुन फिल्म रिलिज हुन्छ, अझ टुंगो छैन । सलमानचाहिँ ‘भारत’ लिएर हाजिर भएका छन् । यो फिल्म इदको अवसरमा आउँदो बुधबार प्रदर्शन हुँदै छ । सवाल स्वाभाविक भइहाल्यो, सलमानको साख जोगिएला त ? यसबीच उनी निर्मित ‘नोटबुक’ र ‘लभयात्री’ पनि फ्लप भएका थिए ।


सलमान आफैं ‘भारत’ लाई लिएर ज्यादै उत्साही छन् । प्रमोसनमा उनको तीव्र सक्रियताले त्यही देखाउँछ । नामैबाट प्रस्ट हुन्छ, ‘भारत’ देशभक्तिको गाथा हो । सलमानका यस्ता फिल्म प्रायः हिट भइरहेका छन् । ‘टाइगर जिन्दा है’ पछिल्लो उदाहरण हो । अर्को सुखद संयोगचाहिँ, ‘टाइगर जिन्दा है’ र ‘भारत’ का निर्देशक एकै हुन्, अलि अब्बास जाफर । अब्बास र सलमानको यो तेस्रो सहकार्य हो । ‘सुल्तान’ ब्लकबस्टर भयो । ‘टाइगर जिन्दा है’ ले पनि ५ करोडभन्दा बढी कलेक्सन गरेर रेकर्ड राख्यो । दुवै फिल्मले सकारात्मक प्रतिक्रिया पाए । कोरियन मेलोड्रामा ‘ओड् टु माई फादर’ मा आधारित छ, ‘भारत’ । यसको कथा अब्बासले नै लेखेका हुन् । ब्रिटिस उपनिवेशपछिको घटनाक्रमलाई केन्द्रमा राखिएको छ । जसका लागि अब्बासले स्वतन्त्र हुँदा ८ वर्ष भएको एउटा किशोरलाई मुख्य पात्रका रूपमा उभ्याएका छन् । त्यही किशोर ७० वर्ष हुँदासम्मको यात्रा समेटिएको छ । भन्नुपरेन, यो शीर्ष भूमिका सलमान खानको हो । ट्रेलरमै सलमानलाई झन्डै आधा दर्जन भिन्न रूपमा देख्न पाइन्छ । फिल्म बहुप्रतीक्षित बन्नुको कारण यो पनि हो । सलमान आफैंले फिल्मको कथा र पात्रसँग आफू निकै नजिक रहेको अभिव्यक्ति दिएका छन् ।


सलमानको अपोजिटमा छिन्, कट्रिना कैफ । तर यस फिल्मका लागि कट्रिना पहिलो रोजाइ भने होइन । यो भूमिकामा प्रियंका चोपरा अनुबन्ध भइसकेकी थिइन् । अमेरिकाबाट स्वदेश फर्केर फिल्मको तयारीमा जुटिन् पनि । तर सुटिङको केही दिन एकाएक प्रियंकाले हात झिकिन् । उनले विवाहको तयारीका लागि समय चाहिएकाले भारत छोड्नुपरेको स्पष्टीकरण दिएकी थिइन् । त्यसको केही समयपछि निक जोनासकी दुलही बनिन् पनि । तर भारतलाई ‘बाईबाई’ गर्नुको खास कारण अर्कै थियो, क्रिस प्र्रेटसँग हलिउड फिल्म खेल्ने मौका जुरेपछि उनले सलमानको साथ छोडेकी थिइन् । उनको यो निर्णयले सलमान क्रुद्ध हुने भइहाले । तैपनि सुरुसुरुमा यत्ति भने, ‘इट्स ओके ।’ जब हलिउड फिल्मका लागि भारतबाट बाहिरिएको खबर कन्फर्म भयो । सलमानले आक्रोश पोखे, घुमाउरो पाराले । उनको भनाइ थियो, ‘यदि प्रियंका सलमान खानसँग काम गर्न चाहन्नन् भने ठीकै छ । उनी हलिउडको ठूलो हिरोसँग काम गर्दैछिन् नि त ।’


प्रियंकाले ‘भारत’ युनिटलाई ‘धोका’ दिएपछि बलिउडमा उनको आलोचना भएको थियो । कारण, फिल्म युनिटले विवाहलाई बाधा नपर्ने गरी सुटिङ सार्ने प्रस्ताव गर्दा पनि ‘विवाहका लागि कति समय चाहिने टुंगो नभएको’ भन्दै प्रियंका तर्किएकी थिइन् । त्यही बेला पूर्वप्रेमिका कट्रिनालाई साइन गराएका थिए सलमानले । यो जोडीबाहेक पनि फिल्ममा ज्याकी श्राफ, तबु, दिशा पटानी, सुनील ग्रोभरलगायतका कलाकारको अभिनय छ । यसको बजेट एक सय करोड भारु पुगेको छ । लोकसभामा बीजेपीको सानदार जितले फेरि प्रमाणित भएको छ, भारतमा राष्ट्रवाद खुब बिक्छ । सिनेमाको हकमा पनि यही हो । देशभक्तिपूर्ण भूमिकाबाट सलमान स्वयंले धेरैपटक वाहवाही बटुलिकेका छन् । करिअर संकटमा रहेको यो समयमा आएको बेला ‘भारत’ ले त्यस्तै सफलताको स्वाद चखाउला ?

hellosukrabar@gmail.com
(एजेन्सीको सहयोगमा)

प्रकाशित : जेष्ठ १७, २०७६ १२:२०
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

रजनीको उदय

जिमसँगै उनको शरीरका गाँठो हराउँदै गयो । अहिलेसम्म त्यस्तो कुनै समस्या उनलाई देखा परेको छैन । उनी यस क्षेत्रमा लागेको पाँच वर्ष भइसकेको छ ।
नुमा थाम्सुहाङ

 उनलाई लागेको पनि थिएन कि उनी एक दिन बडिबिल्डिङमा यसरी उदाउँछिन् भनेर  । सुरुमा आफू फिट बस्नलाई मात्र यो क्षेत्रमा प्रवेश गरेकी अहिले भने उनी यसैमा डुबेकी छिन्  ।

यो फरक कथाकी पात्र हुन्– रजनी श्रेष्ठ । आफ्नो १९ वर्षीय छोरालाई डाक्टर पढाउन उनी आफ्नो श्रीमान्सँगै मोरङबाट काठमाडौं आइन् । मोरङको घरमा सासू, ससुरा, देवर, देवरानी र उनको एक छोरा बस्छन् । यहाँ उनी आफ्नो श्रीमान् र छोराका साथ चार वर्षदेखि बस्दै आएकी छिन् ।


घाँटीमा सानासाना गाँठा देखिन थालेपछि उनलाई क्यान्सर भएको आकलन गरियो । जँचाउँदा जँचाउँदै सात–आठ वटा गाँठो छब्बीस पुगिसकेको थियो । क्यान्सर हो कि होइन भनेर उनको एक वर्ष त्यसै बित्यो । त्यसपछि हो उनले नेपाल व्यायाम मन्दिरमा नियमित जिम जान थालेको । जिमसँगै उनको शरीरका गाँठो हराउँदै गयो । अहिलेसम्म त्यस्तो कुनै समस्या उनलाई देखा परेको छैन । उनी यस क्षेत्रमा लागेको पाँच वर्ष भइसकेको छ ।
उनी भन्छिन्, ‘म आफ्नो शरीर फिट राख्नका लागि आएको थिएँ । जिम गर्दै गएपछि शरीर राम्रो हुँदै आयो । त्यसपछि एकचोटि बडिबिल्डिङ प्रतिस्पर्धामा प्रयास गरौं भन्ने भयो । घरबाट पनि सबैले एकचोटि प्रयास गर भनेर साथ दिनुभयो । अनि म यसमा लागेकी हुँ ।’


अनुभवका लागि स्टेज चढेकी उनको नाम विजेताका रूपमा आयो । ‘मैले जित्दा श्रीमान् र ससुरा एकदमै खुसी हुनुभयो ।’ मिस्टर काठमाडौंमा २०७४ मा ११ जना सहभागीलाई पछि पार्दै उनी प्रथम भएकी थिइन् । श्रीमान् समीरको हौसलाले यहाँसम्मको यात्रा तय भएको उनको बुझाइ छ । ‘ससुराले पनि एकदमै प्रेरणा दिनुभयो,’ उनी भन्छिन् ।


‘मेरो श्रीमान् नै मेरो पहिलो ट्रेनर हो । किनभने मोरङमा आफ्नै जिम हाउस थियो, त्यो हामीले पाँच वर्ष चलायौं । त्यतिबेला पनि हल्का व्यायाम गर्थें,’ उनी भन्छिन्, ‘त्यो बेलाबाट नै मेरो ससुराले मलाई सपोर्ट गर्नुहुन्थ्यो । उहाँ पनि यस क्षेत्रमा धेरै रुचि राख्नुहुन्थ्यो । त्यसैले पनि उहाँको एउटा सपना नै थियो कि कसैले यो क्षेत्रमा अघि गएर केही गरे हुन्थ्यो भन्ने र आज म यो स्थानसम्म आइपुगेकी छु ।’


उनी आफ्नो स्टेजमा जानुभन्दा अगाडिको अनुभव सुनाउँछिन् । ‘२४ घण्टा अगाडि नै क्लिन बस्नुपर्छ । सबै कुरा उमालेको मात्र खानुपर्छ,’ ‘दिनमा १५ देखि २० वटासम्म अण्डा खानुपर्छ । अण्डाको पनि सेतो भाग मात्र खान मिल्छ । नुन, तेल, चिनी जसले शरीरमा फ्याट दिन्छ, त्यस्तो खानु हुँदैन ।’ पछिल्लो पटक उनले मिस्टर हिमालयमा महिला एथ्लेटिक्स फिजिक्सका उपाधि जितेकी छन् । ‘यो पटक उपाधि जित्छु भन्ने विश्वास थियो,’ उनी भन्छिन्, ‘घरको काम छाडेर बिहान र बेलुका २ घण्टा मेहनत गरेकी थिएँ ।’


‘बडिबिल्डिङ भनेको आराम चाहिने खेल हो,’ उनी भन्छिन्, ‘यसमा अनुशासन एकदम महत्त्वपूर्ण हुन्छ । खानेकुरामा विशेष ध्यान दिनुपर्छ । बाहिरको खानेकुराबाट टाढा रहनुपर्छ । समयमा निदाउने र उठ्ने गर्नुपर्छ ।’ अभ्यासमा भन्दा स्टेजमा पोजिङ गर्दा गाह्रो हुने उनको अनुभव छ । जति गाह्रो भए पनि पोजसँगै मुहारमा मुस्कान ल्याउनु अनिवार्य छ । उनको अबको योजना भनेको अन्तर्राष्ट्रियस्तरमा स्वर्ण जित्नु हो ।


साउथ एसियन च्याम्पियनसिप पहिलोपल्ट नेपालमै हुँदै छ । यसका लागि नेपालका तर्फबाट उनी एक्ली प्रतिस्पर्धी हुन् । मिस्टर हिमालय विजेता नेपालबाट यो खेलमा प्रतिनिधित्व जनाउन सक्छन् । जिम गरेर पाक्कपुक्क फुलाउनुपर्छ भन्ने अनिवार्य नभएको उनको सल्लाह छ । स्वस्थ बन्नका लागि नियमित जिम गर्न उनको सल्लाह हुन्छ ।

प्रकाशित : जेष्ठ १०, २०७६ १०:५२
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT