विद्युतीय कारमा आवाज

कान्तिपुर संवाददाता

अहिले उत्पादन भइरहेका विद्युतीय कारमा आवाज आउँदैन  । प्रदूषण नगर्ने र आवाज ननिकाल्ने भएकाले यसलाई आनन्ददायी सवारी पनि भनिन्छ  ।

तर, युरोपियन युनियन (ईयू) ले सोमबारदेखि लागू हुने गरी नयाँ नियम ल्याएको छ । यो नियम अनुसार अब उत्पादन हुने नयाँ मोडलका विद्युतीय कारमा आवाज आउने उपकरण जडान गर्नुपर्छ । कारमा आवाज नहुँदा सडकमा हिँड्ने पैदल यात्रु असुरक्षित हुने भएकाले यस्तो कानुन ल्याइएको हो ।


ईयूले ल्याएको नयाँ कानुनले अन्य देशमा पनि प्रभाव पार्न सक्छ किनकि अहिलेसम्म विद्युतीय कारमा आवाज हुनुपर्छ कि पर्दैन भन्ने विषयमा व्यापक छलफल भएको छैन । सन् २०२१ देखि भने सबै विद्युतीय कारमा आवाज आउने उपकरण जडान हुनुपर्नेछ । ईयूले सन् २०४० देखि सबैखाले डिजेल वा पेट्रोलबाट गुड्ने सवारी प्रतिबन्ध लगाउने आफ्नो योजनाको घोषणा गरिसकेको छ ।

प्रकाशित : असार २०, २०७६ ०८:२८
प्रतिक्रिया
पठाउनुहोस्

माइक्रोसफ्ट एजमा नयाँ फिचर

कान्तिपुर संवाददाता

माइक्रोसफ्टले आफ्नो ब्राउजरमा नयाँ फिचर थप गरेको छ  । प्रयोग नगरेको वेबसाइटबाट ट्र्याक हुन प्रयोगकर्तालाई जोगाउने गरी ट्र्याकिङ प्रिभेन्सन फिचर सुरु गरेको हो  ।

अर्को ब्राउजर गुगल क्रोमले प्रयोगकर्तालाई ट्र्याक गर्ने गरी थर्ट पार्टी कुकिजलाई खुला छाडिएको आरोप लागिरहेका बेला माइक्रोसफ्ट एजले यस्तो फिचर ल्याएको हो ।
एजको नयाँ फिचर मोजिल्लाको इनह्यान्स ट्र्याकिङ प्रोटेक्सन फिचरजस्तै छ । मोजिल्लाले अघिल्लो वर्ष यो फिचर सुरु गरेको थियो । आफ्नो प्रयोगकर्ताको संख्या कम भए पनि माइक्रोसफ्टले एजमा नयाँ फिचर थप्ने क्रम जारी राखेको छ ।

प्रकाशित : असार २०, २०७६ ०८:२८
पूरा पढ्नुहोस्
प्रतिक्रिया
पठाउनुहोस्