इन्टेलमा एप्पलको सेयर !
आइफोन निर्माता एप्पलले इन्टेलको मोबाइल मोडलको केही अंश खरिद गर्ने भएको छ । गत साता एप्पल र इन्टेल दुवैले यसको घोषणा गरेका हुन् ।
एप्पलले १ अर्ब अमेरिकी डलरमा इन्टेलको मोडल व्यापारको केही अंश खरिद गर्न लागेको हो । यससँगै इन्टेलका २ हजार बढी कर्मचारी पनि एप्पलमा भर्ना हुनेछन् ।
यस वर्षको अन्त्यतिर यो डिल टुंगिने अपेक्षा छ । इन्टेलको मोडमको केही अंश खरिद गरेसँगै एप्पलले आइफोनका लागि चिप बनाउन अन्य कम्पनीमा निर्भर हुनुपर्ने छैन । हालै इन्टेलसँग कपिराइटको विवाद टुंगिएको थियो । सहमति भएलगत्तै इन्टेलले आफ्नो मोबाइल मोडल व्यापारको केही अंश एप्पललाई बिक्री गर्न तयार भएको हो । यससँगै एप्पलले आगामी वर्ष सार्वजनिक गर्न लागेको ३ मोडलको आइफोनमा फाइभजी सपोर्ट गर्ने प्रविधि हुने अपेक्षा गरिएको छ ।
प्रतिक्रिया