४२ हजार फिटको उचाइमा सुत्केरी व्यथाले च्यापेपछि

कान्तिपुर संवाददाता

काठमाडौं — टर्किस एयरलाइन्सको बोइङ ७३७ शनिबार गुइनाको राजधानी कन्क्रीबाट ओगाडोगो हुँदै स्तनबुलका लागि उडेको थियो । तर, उडेको केही समयमा नै एउटा अनपेक्षित घट्ना भयो । बीबीसीले टर्किस एयरलाइन्सको बिज्ञप्ती उल्लेख गर्दै लेखे अनुसार विमानमा सवार नाफी डियबी नामक एक ईड बर्षीया यात्रुलाई सुत्केरी व्यथाले च्याप्यो । जहाज ४२ हजार फिटको उचाइमा ति महिलाले छोरीको जन्म दिइन् ।

टर्किस एयरलाइन्सको बोइङ ७३७ शनिबार गुइनाको राजधानी कन्क्रीबाट बुर्कना फस्कोको राजधानी हुँदै ओगाडोगो हुँदै स्तनबुलका लागि उडेको थियो । तर, उडेको केही समयमा नै एउटा अनपेक्षित घट्ना भयो ।

बीबीसीले टर्किस एयरलाइन्सको बिज्ञप्ती उल्लेख गर्दै लेखे अनुसार विमानमा सवार नाफी डियबी नामक एक २८ बर्षीया यात्रुलाई सुत्केरी व्यथाले च्याप्यो । जहाज ४२ हजार फिटको उचाइमा ति महिलाले छोरीको जन्म दिइन् ।
जहाज बुर्किना फास्कोको राजधानीमा अवतरण गरियो र कादिजु नामक छोरी र आमा दुवै जनालाई अस्पताल लगियो ।
संगै यात्रा गरिरहेकी सहयात्रीलाई सुत्केरी व्यथा लागेपछि अरु यात्रीहरु र विमानमा रहेका परिचारिकाहरुले पनि सहयोग गरेको बताइएको छ ।

टर्कीस एयरलाइन्सले भरखरै जन्मेको बच्चासंगको आप्ना परिचारिकाहरुको तस्विरसमेत सार्वजनिक गरेको छ । t;

तस्विरहरु : बीबीसी/टर्कीस एयरलाइन्स

प्रकाशित : चैत्र २७, २०७३ ११:४६
ADVERTISEMENT
प्रतिक्रिया
पठाउनुहोस्
ADVERTISEMENT

सिड्नीमा पहिलो नेपाली खाना महोत्सव, विदेशीको उल्लेख्य सहभागिता

नारायण खड्का

अस्ट्रेलिया — नेपाली खानालाई विदेशमा चिनाउने र नेपाली खानाको माध्यमबाट ‘फुड टुरिजम’को विकास गर्ने उद्देश्यले अस्ट्रेलियाको सिड्नीमा पहिलो नेपाली खाना महोत्सव सम्पन्न भएको छ । महोत्सवमा उल्लेख्य रुपमा विदेशी अवलोकनकर्ताहरुले समेत सहभागिता जनाएका थिए ।

सिड्नीमा रहेका युवाहरुको संस्था टु टेबल्सले पहिलोपटक नेपाली खानाको महोत्सव आयोजना गरेको थियो । सिड्नीमा रहेका अधिकांश नेपाली खाना व्यवसायीहरुको सहभागिता रहेको महोत्सवमा सबै नेपाली खानाहरु राखिएको थियो । एक दर्जन बढी स्टलहरु राखिएको खाना महोत्सवमा नेपालबाट आएको बाजेको सेकुवा प्रमुख आकर्षण रहेको थियो भने नेपाली परम्परागत खानाहरु मम, समयबजी, छोयला, सेकुवा मात्र नभएर अचारहरुको समेत अवलोकनकर्ताहरुले स्वाद लिन पाएका थिए ।

‘विश्वमा फुड टुरिजमको विकास भइरहेको सन्दर्भमा हामीले पनि नेपाली खानाको माध्यमबाट पनि पर्यटन क्षेत्रमा योगदान पुर्‍याउन सकिन्छ भन्ने सोचले महोत्सव आयोजना गरेका हौं’ आयोजक संस्थाका मनोज अधिकारीले भने । उनका अनुसार महोत्सवमा १५ हजार बढी अवलोकनकर्ताहरुले महोत्सवमा सहभागीता जनाएका थिए भने सहभागीमध्ये ४० प्रतिशतभन्दा धेरै विदेशीहरुले महोत्सवको अवलोकन गरेका थिए । ‘हामीले नेपाली परम्परागत खानालाई विदेशमा समेत महोत्सवकै रुपमा आयोजना गरेर चिनाउने प्रयास गरेका थियौं जुन सफल भएको छ’ सेफ समेत रहेका आयोजक संस्थाका सुरज प्रधानले दाबी गरे ।

सिड्नीको व्यस्तमध्येको सेन्ट्रलको बेलमोर पार्कमा आयोजना गरिएको महोत्सवमा विदेशीहरुका साथै विभिन्न संघ संस्थाका प्रतिनिधिहरुका साथै व्यवसायी तथा स्थानीयवासीहरुले उत्साहका साथ सहभागिता जनाएका थिए । नेपाली खानासम्बन्धी व्यवहारिक ज्ञान दिने उद्देश्यले आधा दर्जन खाना बनाउने प्रविधिको बारेमा जानकारीमूलक प्रदर्शनी राखिएको थियो । जसमा विदेशीहरुले उत्साहका साथ सहभागिता जनाएका थिए ।

आयोजकले पहिलोपटक आयोजना गरिएको कार्यक्रमले होटल रेस्टुरेन्टभित्र मात्र नभएर खुल्ला आकाशमा आयोजना गरिएको कार्यक्रममार्फत नेपाली खानालाई प्रत्यक्ष स्वाद लिन र अनुभव गर्न पाएको बतायो । आयोजकले भने पहिलोपटक आयोजना गरिएका कारण केही कमीकमजोरी भए पनि कार्यक्रम सोचेभन्दा सफल भएको दाबी गरे । उनीहरुले प्रत्येक वर्ष खाना महोत्सवको आयोजना गरिने जानकारी समेत दिए ।

प्रकाशित : चैत्र २७, २०७३ ११:४६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT